Bash bet>>Xewer Merkizi>>Junggugha nezer
Yer tewresh apitige uchrighan rayonlarda adimiylik julalinip, ümid yoligha nur chachmaqta
Tehrir:Esqer tursun     Menbesi:Junggo uyghurche radiyo tori     Yollan'ghan waqit: 2015-04-27

 

25-aprél chüshte népalda 81 yildin buyanqi eng qattiq yer tewridi. Hazirghiche népal hökümiti yer tewreshte 2460 kishining qaza qilghanliqi, 4647 kishining yarilanghanliqini jezmleshtürdi.

junggoning shizang, hindistan, béngal, butan qatarliq jaylarmu oxshash bolmighan derijide zerbige uchrap, ölüm-yétim boldi.

népal hökümiti tewesidiki 29 rayonni éghir yer tewresh apitige uchrighan rayon dep jakarlidi hemde pütün memliket xelqini öz-özini qutquzushqa chaqirdi.

népalning paytexti katmandu yer tewresh merkizige 75 kilométir yiraqliqta bolsimu, öyler örülüp chüshüp, éghir weyran boldi. Emma jasaretlik népal xelqi bu qétimqi éghir yer tewresh apitidin qorqup qalmidi.

kishiler bixeterlik qismi, saqchilar we kespiy qutquzush xadimliri bashchiliqidiki axturush herikitige özlükidin qatniship, xarabilik ichide xish, tash parchilirini ikki qoli bilen kolap, hayat qalghuchilarni izdidi.

bezi kishilerning qolliri qanap ketti, xish, tash parchiliri qan daghliri bilen toldi, emma héchkim aghridi, dep waysimidi, héchkim chékinmidi.

apet yüz bergendin kéyin hemme yaqni yigha-zare qaplidi, emma unche köp süren-chuqan bolmidi. Bu xil yigha arilash sükütke ghayet zor gheyret-jasaret yughurulup ketti.

bundaq menzire élimizdimu bolghan. Yéqinqi yillardin buyan, wénchüen, yüshu, lushyen qatarliq jaylarda yüz bergen yer tewresh apetlirini béshidin kechürgen junggo xelqi bu qétim apetke uchrighan népal xelqining azabini obdan chüshinidu. Shunga junggoluqlar aktip heriketke keldi:
-reis shi jinping, zungli li kéchyang népal rehberlirige télégramma yollap, bextsizlikke uchrighanlargha teziye bildürdi, ularning aile teweliri we yaridarlardin semimiy hal soridi;
-junggo xelqara yardem etriti katmandogha bérip, derhal apettin qutquzushqa atlandi;
-junggo hökümiti jiddiy qutquzush maddiy eshyalirini teyyarlap, népaldiki yer tewresh apitige uchrighan jaylargha yetküzüp berdi;
-junggodiki bir qisim karxanilar, apparatlar apetke uchrighan jaylargha pul we mal-mülük iane qilishqa teshkillidi.
-junggodiki ijtimaiy alaqe supiliri yardem uchurlirini toplap, apetke uchrighan rayongha tilekdashliq bildürdi.
......

26-aprél chüshtin burun katmandu tribwan xelqara ayrodurumida, népal zungli we ministirlar kéngishi ishxanisining birleshme katipi koyirala junggo xelqara qutquzush etritini kütüwaldi.

u mundaq dédi: éghir yer tewresh apitige uchrighan népalgha nisbeten, junggoning yardimi we mediti heqiqeten jayida boldi.

hayat-mamatliq qutquzushi ezrail bilen besleshkenlik, 72 saetlik altun qutquzush waqti ichide minut-sékunt qoghliship qutquzush kérek. Népaldiki qutquzush küchliri cheklik bolghachqa, xelqara jemiyetning her tereplime qutquzushigha mohtaj.

amérika, rusiye, engliye, firansiye, gérmaniye, italiye, ispaniye, hindistan, pakistan, yaponiye, awstraliye, israiliye qatarliq döletler we birleshken döletler teshkilati népalning apettin qutquzushigha yardem bérishni xalaydighanliqini bildürdi.

qalduq yer tewresh üzülmey dawam qilmaqta. Apet ichide, adimiylik téximu julalanmaqta, semimiyet we ghemxorluq algha ilgirilesh yolini yorutmaqta.

azabimizni yutup, köz yashlirimizni sürtüp, algha qedem tashlayli, ümid del aldimizda!

 

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene