Bash bet>>Xewer Merkizi>>Junggugha nezer
Enxüy ölkiside hamile chüshürgenlerge jerimane qoyulmaqchi
Tehrir:Méhrigül xudaberdi     Menbesi:Junggo uyghurche radiyo tori     Yollan'ghan waqit: 2015-05-18

 

"jins perqini békitip we tallap, hamilidar bolushni toxtatqanlargha, qanunsiz tapawiti 10 ming yüendin ashsa, qanunsiz tapawitining ikki hessisidin yuqiri, alte hessisidin töwen jerimane qoyulidu." enxüy ölkilik sehiye we pilanliq tughut komitétining tor ponkitida "tibbiy éhtiyajdin sirt hamilining jins perqini békitip we tallap, hamilidar bolushni toxtitishni cheklesh belgilimisi (tüzitilgen deslepki layihege pikir élish nusxisi)" élan qilinip, jemiyettiki her sahedin pikir élindi.

 

hamilidar bolup 14 heptidin ashqanlarning hamile chüshürüshi cheklinidu

pikir élish layihesidiki belgilimige asaslanghanda, hamilide jinsqa egeshken érsiyet xaraktérlik késellik bar dep guman qilinghan bolsa, dawalash, saqliq saqlash apparatliri üchtin artuq mutexessisni teshkillep, kolléktip tekshürüp békitishi, hemde hamilining jinsini békitishke bolidighan- bolmaydighanliqigha ait tibbiy pikir chiqirip bérishi kérek. Qanunda belgilengen tughut shertige uyghun kelgen, hamilidar bolghan mezgili 14 heptidin ashqan ayallar hamilidarliqni toxtitishqa bolmaydu, emma töwendiki ehwallar buning sirtida: (1) hamile éghir érsiyet xaraktérlik késelge giriptar bolsa; (2) hamilide éghir derijidiki kemtüklük bolsa; (3) éghir késelge giriptar bolup, hamilidarliqni dawamliq saqlap qalghanda hamilidar ayalning hayatiy bixeterlikige tehdit yetküzülse yaki hamilidar ayalning salametlikige éghir ziyan yetküzse; (4) ijazet bérilgen dawalash, saqliq saqlash apparatliri hamilidarliqni toxtitish kérek dep békitse; (5) ölkilik xelq hökümitining sehiye we pilanliq tughut memuriy tarmiqi belgiligen bashqa ehwallar.

 

hamilining jinsini békitse jazalinidu

bashqilargha tibbiy éhtiyaj bolmighan halda jins perqini békitip we tallap, hamilidar bolushni toxtatqanlargha, qanunsiz tapawiti 10 ming yüendin ashsa, qanunsiz tapawitining ikki hessisidin yuqiri, alte hessisidin töwen jerimane qoyulidu; Qanunsiz tapawiti bolmisa yaki qanunsiz tapawiti 10 ming yüenge toshmisa, 10 ming yüendin yuqiri 30 ming yüendin töwen jerimane qoyulidu. Qilmish sadir qilghuchi dölet apparatliri, kespiy orunlarning xadimi bolsa, özi turushluq orun yaki bashqurghuchi tarmaq derijisini töwenlitishtin ishtin boshitishqiche memuriy jaza béridu; Jinayet shekillendürgenlerning jinayi ishlar mesuliyiti qanun boyiche sürüshtürülidu. Hamiildar ayallar eger tibbiy éhtiyaj bolmighan halda hamilining jinsini békitken bolsa 200 yüendin yuqiri 1000 yüendin töwen jerimane qoyulidu; Qilmish sadir qilghuchi dölet apparatliri, kespiy orunlarning xadimi bolsa, agahlandurushtin yuqiri memuriy jaza bérilidu. Belgilimige xilap halda hamilidarliqni toxtatqan bolsa, 1000 yüendin yuqiri 5000 yüendin töwen jerimane qoyulidu.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene