Bash bet>>Xewer Merkizi>>Shinjangda
Shinjang ammisi güzel shinjang qurup, weten arzusini ishqa ashurimiz dédi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2015-10-04

 

junggo uyghurche radiyo tori 4- öktebir béyjing xewiri:

shinjang uyghur aptonom rayoni qurulghanliqining 60 yilliqi tebrikliniwatqan peytlerde, merkez wekiller ömiki bash shuji shi jinping yézip bergen "güzel shinjang qurup, weten arzusini birlikte ishqa ashurayli" dégen béghishlimini élip keldi. Qetiy jasaretke tolghan bu béghishlima shinjangdiki deshti-bayawan, yaylaq, sheher-qishlaqlarni qaplidi.

tarim oymanliqining girwikige jaylashqan chaqiliq nahiyesidiki chilanchilar chilan bilen yürekning shekli hem 60 yil dégen xetni hasil qilip, wetenge, shinjanggha bolghan minnetdarliqi hem bextlik héssiyatini ipadilidi. 46 yashliq uyghur chilanchi emetjan mundaq dédi: biz uyghurlarda "ish ömlükte, küch birlikte" dégen maqal bar, bu maqal bizge milletler ittipaqliqining muhimliqini éytip béridu shundaqla bizning qelb sadayimizni ipadileydu.

tajik puqrawi karxanichi mahirjan 20 nechche yildin buyan ammiwi parawanliq ishlirigha yüz milyon yüendin artuq pul we buyum iane qildi, 30 mingdin artuq namrat aile uning yardimige érishti, üch minggha yéqin namrat aliy mektep oqughuchisi uning yardimi bilen oqush arzusini ishqa ashurdi. Mahirjan mundaq dédi: öz turmushum yaxshilansila hésab emes, muhimi yurtdashlirimni yéteklep bille yaxshi künge érishish, jemiyetke jawab qayturush. Bu-shinjangliq bolush süpitim bilen ana yurtumgha hem wetenge qilghan eng yaxshi sowghitim.

qizilsu qirghiz aptonom oblasti ulughchan nahiyesi jighin yézisidiki 3-nöwetlik "junggodiki on chong közge körüngen ana" namigha érishken, chégrini xalisane qoghdighan 72 yashliq qirghiz momay burmaxan molda ötken 50 yilda özining "junggo" dégen xetni chégridiki qanche tashqa oyup chiqqanliqini hésablap bolalmaydu. U bu yerdiki kishilerning hemmisi wetenning amanliqi, wetenning her bir chégra téshi, her bir ghérich yérini qoghdashni sherep dep bilidu dédi.

tomurida qazaq bilen uyghurning qéni éqiwatqan ataqliq milletshunas dilmurat ömer shinjangning kelgüsi tereqqiyat istiqbali heqqide mundaq dédi: junggo arzusi-her bir kishige nisbeten abistrakit uqum emes. Bizning junggo arzuyimiz-bizning bu milletler chong ailimizdiki her bir kishini arzugha intilish pursitige érishtürüsh, özimizning japaliq emgiki arqiliq téximu yaxshi yashaydighan tereqqiyat makanigha érishish.

tarbaghatay wilayitining "milletler ittipaq, inaq, jemiyet muqim, inaq, ékologiyelik muhit güzel" dégen namidin shu jaydiki kishiler pexirlinidu, bu yerde xenzu, qazaq, xuyzu, uyghur, mongghul, rus qatarliq 29 millettin bolghan 980 ming nopus yashaydu, ikkidin artuq millettin terkib tapqan aile omumiy ailining 7.5% ni igileydu.

shu jaydiki tatar kadir mesxudem mundaq dédi: her millet xelqi shinjangning qurulush tereqqiyat musapisida inaq, ittipaq halda öz ara yardem bergechke, bügünkidek güzel turmush berpa qilinghan. Emeliyet bizge milletler ittipaq bolghandila, andin jungxua milletlirining ulugh güllinishidiki junggo arzusining shinjang sehipisini yézip chiqqili bolidighanliqini éytip berdi.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene