junggo uyghurche radiyo tori 25-may béyjing xewiri:
téjeshlik bolush shereplik, israpchiliq nomus. Bu yil kirgendin buyan, jaylar, tarmaqlar merkezning sekkiz belgilimisini qetiy emeliyleshtürüp, "partiye, hökümet organlirining qattiq téjeshlik bolup, israpchiliqqa qarshi turush nizami"ni qattiq ijra qilip, türlük téjesh tedbirlirini emeliyleshtürüp, hökümet puligha israpchiliq qilish ehwallirini qetiy tosup, téjeshlik bolushqa ilham bérish, israpchiliqni tüzeshni omumiy xelq herikitige aylandurup, yaxshi ijtimaiy adet arqiliq, dewrning ijabiy küchini özlüksiz qozghatti.
merkezning sekkiz belgilimisi chiqirilghandin kéyin, merkiziy komitét ishxanisi, gowuyüen ishxanisi alaqidar tarmaqlar bilen birlikte, qattiq téjeshlik bolup, israpchiliqqa qarshi turushning bir qoshulghan yigirme tüzüm qurulushi ramkisini otturigha qoydi. Bultur 25-noyabir, "partiye, hökümet organlirining qattiq téjeshlik bolup, israpchiliqqa qarshi turush nizami" élan qilinip, qattiq téjeshlik bolup, israpchiliqqa qarshi turushning négizlik qanunigha aylandi. Buning aldi-keynide, 11 yürüshlük tüzüm arqa-arqidin chiqirildi. Bir yürüsh qattiq cheklime-merkezning sekkiz belgilimisini izchil emeliyleshtürüp, qattiq téjeshlik bolup, israpchiliqqa qarshi turush tüzüm qurulushidiki qetiy iradini namayan qildi.
merkezdin yerlikkiche, qattiq téjeshlik bolup, israpchiliqqa qarshi turush xizmitining kücheytilishige egiship, tüzüm qepisi barghanséri chingip, tüzümning cheklimilik küchi barghanséri küchiyip, tüzüm ijrasi barghanséri keskinliship, tüzüm élip kelgen ünüm körülüshke bashlidi.
bir aydin köprek waqitta, isim-familisi ashkara élan qilinish arqiliq, 956 tipik délo uqturuldi.
aliy xelq sot mehkimisi merkezning sekkiz belgilimisini emeliyleshtürüshni mexsus tekshürdi, pütün memlikettiki sot mehkimiliri 17 ming 152 qétim nazaret qilip tekshürüsh paaliyitini qanat yaydurup, hökümet puligha yep ichish, hökümet puligha sowghat bérish, hökümet mashinisini shexsiy ishqa ishlitish qatarliq mesilidin 333 ni bayqap, 355 kadir saqchini tekshürüp bir terep qildi.
xébéy ölkilik turalghu we sheher-yéza qurulushi nazariti jaylardin sheher baghchiliri we dangliq menzirigahlardiki aliy réstoran, aramxanilarni birmu-bir tekshürüp tüzep, estayidil éniqlap we tertipke sélip, baghchilarning awamgha teelluq bolushi, dangliq menzirigahlarning ammigha yüzlinishige heqiqiy kapaletlik qilishni telep qildi.
xarbin shehiridiki intizam tekshürüsh tarmaqliri ashkara we yoshurun tekshürüsh qatarliq tedbirlerni qollinip, tangzungza chaghinidin burun hökümet puligha tangzungza, tuxum sétiwélish we hökümet mashinisini shexsiy ishqa ishlitish, hökümet puligha sayahet qilish qatarliq bayramliq qilmishlarni qattiq tekshürdi.
partiye, hökümet istilide burulush bolush arqiliq, jemiyet we xelq istili yéteklendi. Bu yil kirgendin buyan, partiye, hökümet organliri angliq halda ghorigil turmushqa adetlinip, tebriklesh, yighin, sirttin eziz méhman teklip qilish qatarliq ishlarni qilmidi, yerliktiki bir qisim rehberler asasiy qatlamgha bérip, teshebbuskarliq bilen pakliq ochiqida tawlinishni telep qildi.
maliye ministirliqi élan qilghan sanliq melumattin ayan bolushiche, bu yil merkez tarmaqlirining üch xirajitining omumiy xamchoti yette milyard 151 milyon yüen bolup, bulturning béshidiki xamchottin 10.3% aziyip, bultur emeliy xirajet qilinghan yette milyard 154 milyon yüendin sel aziyip, bu yil merkezning üch xirajitining kölimini köpeytmestin azaytish wedisi ishqa ashurulghan.
