junggo uyghurche radiyo tori 26-may béyjing xewiri:

merkezning partiyening ammiwi lushyen terbiyesini emeliyettin ötküzüsh paaliyitini qanat yaydurush heqqidiki orunlashturushigha asasen, junggo kompartiyesi merkiziy komitétining bash shujisi shi jinping qatarliq merkiziy komitét siyasiy biyurosi daimiy komitétining ezaliri yéqinda özlirining 2-türkümdiki terbiyeni emeliyettin ötküzüsh paaliyiti alaqe nuqtilirigha ayrim-ayrim bérip, alaqe nuqtisi qilghan nahiyelik partkom daimiy komitét ezaliri kolléktipining mexsus démokratik turmush yighinlirigha qatniship we yétekchilik qilip, istilni ching, heqiqiy tutup, istil özgertishni izchil dawamlashturup, terbiyeni emeliyettin ötküzüsh paaliyitining netijilirini özlüksiz mustehkemlesh we kéngeytishni tekitlidi.

2-türkümdiki terbiyeni emeliyettin ötküzüsh paaliyitide, merkiziy komitét siyasiy biyurosi daimiy komitétining ezaliri ayrim-ayrim birdin nahiye bilen alaqe baghlidi. Bash shuji shi jinping 9-may xénen ölkisi lenkaw nahiyesige bérip, nahiyelik partkom daimiy komitéti ezaliri kolléktipining mexsus démokratik turmush yighinigha qatnashti we yétekchilik qildi. Arqidin, junggo kompartiyesi merkiziy komitéti siyasiy biyurosi daimiy komitétidiki bashqa yoldashlar özlirining alaqe nuqtilirigha bérip, nahiyelik partkom daimiy komitéti ezaliri kolléktipining mexsus démokratik turmush yighinlirigha ayrim qatnashti we yétekchilik qildi, li kéchyang ichki mongghul aptonom rayoni wéngniyut xoshunigha, jang déjyang fujyen ölkisi shangxang nahiyesige, yü jéngshéng yünnen ölkisi wuding nahiyesige, lyu yünshen shenshi ölkisi lichüen nahiyesige, wang chishen shendung ölkisi méngyin nahiyesige, jang gawli jilin ölkisi nongen nahiyesige bardi.

daimiy komitét ezaliri alaqe nuqtilirining terbiyeni emeliyettin ötküzüsh paaliyitige intayin köngül böldi. Bu yil 3-ayda, daimiy komitét ezaliri özlirining alaqe nuqtilirigha ayrim-ayrim bérip, emeliy tekshürüp yétekchilik qildi, arqidin, yene alaqe nuqtilirining terbiyeni emeliyettin ötküzüsh paaliyitining ilgirilesh ehwalini köp qétim igilidi, yuqiri ölchem bilen qanat yaydurup, yuqiri süpette ilgiri sürüp, alaqe nuqtilirini ülge körsitish nuqtilirigha aylandurushni telep qildi. Mexsus démokratik turmush yighinlirigha qatnishishtin burun, daimiy komitét ezaliri alaqe nuqtiliridiki nahiyelik partkom daimiy komitéti ezaliri kolléktipi we shexslerning sélishturma tekshürüsh matériyallirini estayidil körüp chiqti. Özlirining alaqe nuqtilirigha barghandin kéyin, daimiy komitét ezaliri mexsus démokratik turmush yighinining teyyarliq ehwali heqqidiki doklatni anglidi. Mexsus démokratik turmush yighinida, nahiyelik partkom shujiliri nahiyelik partkom daimiy komitéti ezaliri kolléktipigha wakaliten sélishturma tekshürüshni doklat qildi, kolléktip ezaliri shexsiy sélishturma tekshürüshni doklat qildi hem öz ara tenqid pikirlirini berdi. Daimiy komitét ezaliri nahiyelik partkom daimiy komitéti ezaliri kolléktipi we kolléktip ezaliri tekshürüp chiqqan alaqidar mesililerni tepsiliy igiligendin kéyin, töt natoghra istil mesilisining ipadilinish shekilliri, peyda bolush sewebi we xetirini bahalidi we tehlil qildi.

daimiy komitét ezaliri mundaq dep körsetti: istil qurulushining menggülük yolida, terbiyeni emeliyettin ötküzüsh paaliyitini cheklik möhlette merkezlik qanat yaydurup, istil qurulushini cheksiz kücheytish kérek. Daimiy komitét ezaliri munularni tekitlidi: nahiye derijilik orunlarning yuqiri bilen töwenni bir-birige baghlap, amillarni mukemmelleshtürüp, iqtidarini wayigha yetküzüshi-partiyemizning hakimiyet yürgüzüp, döletni güllendürüshide intayin muhim rol oynaydu, döletni idare qilishta muhim orungha ige. Nahiye derijilik rehbiri yoldashlar ish ornini qedirlep, hoquqni adil ishlitip, jismaniy, rohiy, kespiy jehettiki terbiyege ehmiyet bérip, puqralargha téximu köp nep yetküzüshi lazim. Istilni yaxshilash bilen xelq ammisi hel qilishni kütüwatqan yéngi, emeliy mesililer, yerlikning iqtisad, jemiyet tereqqiyati, partiyelik kadirlarning idiye emeliyiti bilen öz ara birleshtürüp, istil qurulushining yéngi ünümi arqiliq, kesip tereqqiyatining yéngi heriketlendürgüchi küchini qozghitip, islahat, tereqqiyat, jemiyet tereqqiyati we xelq turmushini yaxshilashqa dawamliq türtke bolushi kérek.