Bash bet>>Xewer Merkizi>>Muhim Xewerler
Li kéchyang italiye zonglisi rénzi bilen söhbetleshti
Tehrir:Adil ablet     Menbesi:Junggo uyghurche radiyo tori     Yollan'ghan waqit: 2014-06-12

junggo uyghurche radiyo tori 12-iyun béyjing xewiri:

gowuyüen zonglisi li kéchyang 11-iyun chüshtin kéyin xelq sariyida italiye zonglisi rénzi bilen söhbetleshti. Li kichyang mundaq dep körsetti: junggo italiye bilen birlikte ikki dölet hökümiti komitétlirining yétekchilik rolini jari qildurup, ottura uzaq mezgillik sodini ilgiri sürüsh pilanini tizdin tüzüp, ikki tereplik soda sewiyisini östürüsh; Öz ara meblegh sélish yollirini köpeytip, ikki dölet karxaniliri bolupmu ottura kéchik karxanilarning hemkarlishishigha ilham bérishni xalaydu. Italiyening meblegh sélish sahelirige bolghan cheklimini yenimu qoyuwétip, junggo karxanilirigha téximu yaxshi meblegh sélish muhiti , qanun kapaliti we qulayliq yaritish tedbirlirini qollinish; Pen téxnika , muhit asrash qatarliq sahelerdiki hemkarliqni chongqurlashturup, yuqiri pen téxnika we yuqiri ixtisasliqlarni birliship yétildürüsh, terbiyilesh qatarliq hemkarliqni téximu yaxshi qanat yaydurush; Maarip, medeniyet qatarliq sahelerdiki hemkarliqni kücheytishni ümid qilidu. Junggo italiyening 2015-yili ötküzidighan milan dunya körgezmisi qollaydu we aktip qatnishidu.

rénzi munularni bildürdi: italiye ikki döletning iqtisad soda, sayahet, yéza igiliki, yémeklik, pen téxnika, sheher bazarlashturush, medeniyet qatarliq sahelerdiki hemkarliqini yenimu kéngeytip, ikki döletning omumyüzlük istratégiyilik shériklik munasiwitide téximu zor tereqqiyatlarni qolgha keltürüshke türtke bolushni xalaydu.

söhbettin ilgiri li kéchyang xelq sariyining sherqi derwazisi aldidiki meydanda rénzini qarshi élish murasimi ötküzdi. Söhbettin kéyin, ikki dölet zongliliri ikki terepning iqtisad soda, énérgiye, awiatsiye, ul eslihe qurulushi qatarliq sahelerdiki hemkarliq höjjetlirini imzalashqa shahid boldi. Söhbettin kéyin ikki dölet zongliliri yene muxbirlar bilen birlikte körüshti.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene