Bash bet>>Xewer Merkizi>>Muhim Xewerler
Shi jinping merkez maliye rehberlik guruppisi yighinini riyasetchilik qilip achti
Tehrir:Patigül muhemmet     Menbesi:Junggo uyghurche radiyo tori     Yollan'ghan waqit: 2014-06-14

junggo uyghurche radiyo tori 14-iyun béyjing xewiri:

    Junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi, merkez maliye rehberlik guruppisining bashliqi shi jinping tünügün merkezning maliye rehberlik guruppisining 6-qétimliq yighinini riyasetchilik qilip échip, élimizning énérgiye bixeterliki istratégiyesini tetqiq qildi, shi jinping muhim söz qilip munularni tekitlidi: énérgiye bixeterliki döletning ijtimaiy we iqtisadiy tereqqiyatining omumluqi, istratégiyelik mesilige munasiwetlik, döletning güllep tereqqiy qilishi, xelq turmushini yaxshilash, jemiyetning uzaq muddetlik eminliki üchün nahayiti muhim, énérgiye teminat we éhtiyaj qélipidiki yéngi özgirish, xelqara énérgiye tereqqiyatidiki yéngi yüzlinishi aldida döletning énérgiye bixeterlikige kapaletlik qilishta énérgiye ishlepchiqirishi we istémal inqilabini ilgiri sürüsh kérek, énérgiye ishlepchiqirishi we istémal inqilabini ilgiri sürüsh uzaq muddetlik istratégiye, choqum ishni hazirdin bashlap qilip, nuqtiliq wezipe we zor tedbirlerni yolgha qoyushni tézlitish kérek. 
    Junggo kompartiyesi merkiziy komitéti siyasiy biyurosi daimiy komitétining ezasi, gowuyüen zunglisi, merkez maliye iqtisad rehberlik guruppisining muawin bashliqi li kéchyang, junggo kompartiyesi merkiziy komitéti siyasiy biyurosi daimiy komitétining ezasi, gowuyüenning muawin zunglisi, merkez maliye rehberlik guruppisining ezasi jang gawli yighingha qatnashti.
yighinda döletlik énérgiye idarisining élimizning énérgiye bixeterlik istratégiyesi heqqide bergen doklati anglap ötüldi, rehberlik guruppisining ezaliri muzakire qildi. 
    Shi jinping énérgiye ishlepchiqirishi we istémal inqilabini ilgiri sürüsh heqqide besh türlük telipini otturigha qoydi, birinchi, énérgiye istémal inqilabini ilgiri sürüp, namuwapiq énérgiye istémalini tosush, énérgiye istémali omumiy miqdarini qetiy tizginlep, énérgiye téjesh heqqidiki fangjén siyasetlerni ünümlük emeliyleshtürüp, énérgiye téjeshni iqtisadiy ijtimaiy tereqqiyatning barliq jeryani we türlük sahelirige singdürüp, kesip qurulmisini tengsheshte ching turup, sheher bazarlashturushta énérgiye téjeshke ehmiyet bérip, iqtisadchan, téjeshchan istémal qarishini turghuzup, énérgiye téjesh tipidiki jemiyet qurush qedimini tézlitish kérek, ikkinchi, énérgiye teminat inqilabini ilgiri sürüp, köp menbelik teminlesh sistémisini berpa qilish, dölet ichide köp menbelik teminleshte bixeterlikke kapaletlik qilip, kömürdin pakiz, yuqiri ünümlük paydilinishni küchep ilgiri sürüp, kömürdin bashqa énérgiyeni küchep tereqqiy qildurup, kömür, néfit, gaz, yadro, yéngi énérgiye, tirilme énérgiye teng ishlitilidighan énérgiye teminat sistémisini shekillendürüp, énérgiye teqsimat tori we zapas saqlash ul eslihe qurulushini teng qedemde kücheytish kérek, üchinchi, énérgiye téxnika inqilabini ilgiri sürüp, kesip derijisini ashurushqa türtke bolush, mewqeni dölet ehwaligha qaritip, xelqara énérgiye téxnika inqilabning yéngi yüzlinishige egiship , yéshil, töwen karbonluq bolushni yönilish qilip, téxnikida , kesipte , soda qélipida yéngiliq yaritishni türler boyiche ilgiri sürüsh shundaqla bashqa sahelerdiki yuqiri yéngi téxnika bilen zich birleshtürüp, énérgiye téxnikisi bilen uninggha munasiwetlik bashqa kesiplerni élimizning kesip derijisini ashurushqa türtke bolidighan yéngi éshish nuqtisigha aylandurush kérek, tötinchi, énérgiye tüzülme inqilabigha türtke bolup, énérgiye tereqqiyat yolini échish, islahatni qetiy boshashmay ilgiri sürüp, énérgiyening tawar alahidilikini eslige keltürüp, ünümlük riqabet küchige ige bazar qurulmisi we bazar sistémisi berpa qilip, énérgiye bahasini asasliqi bazar belgileydighan méxanizmni shekillendürüp, hökümetning énérgiyeni nazaret qilip bashqurush usulida burulush yasap, énérgiyeni qanun arqiliq bashqurush sistémisi berpa qilish we mukemmelleshtürüsh lazim, beshinchi, xelqara hemkarliqni köp tereptin kücheytip, échiwétilgen sharaitta énérgiye bixeterlikini ishqa ashurush, asasliqi mewqeni dölet ichige qaritish aldinqi sherti astida énérgiye ishlepchiqirish we istémal inqilabigha munasiwetlik herqaysi tereplerde xelqara hemkarliqni kücheytip, xelqara bayliqtin ünümlük paydilinish kérek. 
    Shi jinping munularni tekitlidi: 2030-yilighiche énérgiye ishlepchiqirishi we istémal inqilabi istratégiyesini ching tutup tüzüp, 13-besh yilliq énérgiye pilanini tetqiq qilish kérek, bir türküm ünüm ölchimini ching tutup tüzüsh, qalaq bolsila uninggha uninggha tüzitish kirgüzüp, qerellik muddette yéngilash we heqiqiy ijra qilish kérek, énérgiye tüzülme islahatini paal ilgiri sürüp, éléktir küchi tüzülme islahati we néfit tebiiy gaz tüzülme islahati omumiy layihesini ching tutup tüzüp, énérgiye sahesidiki qanun tüzümlerni chiqirish, özgertish we emeldin qaldurush xizmitini bashlash kérek.


Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene