Bash bet>>Xewer Merkizi>>Muhim Xewerler
Junggo iqtisadining bu yilning aldinqi yérimidiki ehwaligha nezer
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-06-14

 

junggo uyghurche radiyo tori 14-may béyjing xewiri:

yil otturisi kélip qaldi, töwenlesh bésimi astidiki junggo iqtisadida, aldinqi yérim yilliq netijini qandaq körsitish kishiler diqqet qilghan mesilige aylandi. Döletlik istatistika idarisining 13-iyun 5-aydiki asasliq iqtisadiy sanliq melumatni élan qilishigha egiship, junggo iqtisadining bu yilning aldinqi yérimidiki netijisi asasen aydinglashti.

junggo iqtisadining ayliq pishang körsetküchi bolghan kölemleshken sanaet qoshulma qimmitining emeliy éshish süritidin qarighanda, 5-ayda oxshash mezgildikidin 8.8% emeliy éship, éshish süriti aldinqi aydikidin 0.1 poént yuqiri bolghan.

iqtisadning éshishigha türtke bolghan üch chong jehettin qarighanda, muqim mülükke sélinghan mebleghning éshish süriti bilen ijtimaiy istémal buyumlirining parche sétilish omumiy sommisining éshish süriti sel astilighan, lékin tashqi sodining éshish süriti menpiyliktin musbet éshishqa yüzlengen, süret tézlitilip, omumiy jehettin ashqan. Junggoning iqtisadiy herikiti omumiy jehettin tekshi bolup, éshish süriti, mal bahasi, ishqa orunlishishning hemmisi muwapiq dairide bolghan. 1-pesildin buyan, iqtisadning töwenlesh bésimi köpeytiwetken gewdilik mesililerge qarita, dölet bir yürüsh muqim ashurush tedbirlirini qaratmiliq chiqardi. Bu tedbirler bazar közlimisini bir qeder yaxshi mukemmelleshtürüp, emeliy gewde iqtisadigha türtke bolup, ijabiy ünümi gewdilinishke bashlidi. Gerche iqtisadiy heriket muwapiq dairide omumiy jehettin tekshi bolsimu, lékin, nöwette junggo iqtisadidiki ishlepchiqirish ziyade éship qélish, yerlik hökümet xaraktérlik qerz xetiri, kichik, ushshaq karxanilarning meblegh yürüshtürüshi tes bolush qatarliq gewdilik mesililerning téxiche ünümlük hel qilinmighanliqini étirap qilish kérek, öy mülük kespide yene basquchluq tengshesh peyda boldi, junggo iqtisadining nöwettiki herikiti muwapiq dairidiki bir qeder töwen orunda turmaqta, töwenlesh bésimi téxi tügimidi. Junggoning emeliy ehwalidin qarighanda, meblegh sélish yenila iqtisadni muqim ashurushning achquchi. Gerche aldinqi besh aydiki meblegh sélishta, döletning xamchot meblighi we merkez türlirige meblegh sélishning éshish süriti tézleshken bolsimu, biraq ish bashlanghan türlerge sélinghan omumiy mebleghning éshish süriti yenila asta bolmaqta, bu-kelgüsidiki meblegh sélishning éshish süritide téximu téz burulush yasashning teslikidin dérek béridu. Gerche qatmu-qat qiyinchiliqqa duch kelgen bolsimu, lékin iqtisadiy heriketning omumiy jehettin tekshi bolushi hem omumiy jehettin tengshep tizginlesh ünümining künsayin gewdilinishi bilen kishilerning ishenchisi téximu chingiydu. Bolupmu junggo iqtisadidiki ghayet zor ichki telep yoshurun küchi hem milyonlighan kishiler arisida saqlanghan meblegh sélish, igilik tiklesh qizghinliqi kelgüsidiki tereqqiyatqa téximu küchlük heriketlendürgüchi küch ata qilghusi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene