Bash bet>>Xewer Merkizi>>Muhim Xewerler
Li kéchyang junggo engiliye soda sanaet sahesidikiler ötküzgen qarshi élish ziyapitige qatnashti
Tehrir:Patigül muhemmet     Menbesi:Junggo uyghurche radiyo tori     Yollan'ghan waqit: 2014-06-18

junggo uyghurche radiyo tori 18-iyun béyjing xewiri:

    Gowuyüen zunglisi li kéchyang shu jayning waqti 17-iyun kechte londondiki tebet tarix moziyida junggo engiliye soda sanaet sahesidikiler ötküzgen qarshi élish ziyapitige qatnashti hemde söz qildi. 
    17-iyun kechte engiliyediki tebiet tarix moziyining dinazawr körgezme zalida junggo we engiliyening 600 din artuq siyasi erbabi we soda sanaet sahesidiki erbablar zungli li kéchyangning nutqini estayidil anglidi. 
    Li kéchyang mundaq dédi: engliyege ziyaretke kélip bir kün bola bolmay nurghun netijilerge érishtim, junggo bilen engiliye hökümetler ara we sodigha munasiwetlik nurghun kélishimlerni imzalidi, eger buning sommisini hésablisaq, biz bu qétim imzalighan birqanche sahediki kélishimning soda sommisi 30 milyard amérika dolliridin éship kétidu, emma eng muhimi süpet, otturimizdiki adettiki soda sétiq munasiwiti emes belki nahayiti chongqur meblegh sélish munasiwiti. 
    Li kéchyang munularni bildürdi: junggo bilen engiliye hemkarliqta qosh ghelbini qolgha keltürüpla qalmay yene üchinchi bir terepke yüzlinip, pütün dunyani nepke érishtürdi, li kéchyang mundaq dédi: biz bu qétimqi engiliyege qilghan ziyaritimizde engiliye bilen yadro éléktir hemkarliqi jehette kélishim imzaliduq shundaqla yuquri süretlik tömür yol qurush jehette muddianame hasil qilduq, shek shübhisizki , engiliyening téxnikisi, ilmiy qarishi bilen junggoning baziri, riqabet küchige ige ul eslihesi birleshtürülse bu junggo bilen engiliyeni nepke érishtürüpla qalmay yene üchinchi bir terepning bazirini birlikte achalaydu. 
    Li kéchyang mundaq dédi: junggo bilen engiliye bu qétim ul eslihe jehettiki hemkarliqni kücheytipla qalmay yene pul muamile hemkarliqidimu mol netijilerni qolgha keltürdi, biz junggo bankilirining engiliyede téximu köp sahelerni échishini qollaymiz, uning üstige biz junggo qurulush bankisini hésabat bankisi süpitide londonda xelq puli hésabat kespini üstige élishini békittuq. 
    Li kéchyang munularni bildürdi: bu londonning xelqara pul muamile merkizi bolushtek ornini mustehkemlesh we rawajlandurushqa paydiliq bolupla qalmay yene junggoning chetelge meblegh sélish sodisini erkinleshtürüsh, qolaylashturushini ilgiri sürüshke paydiliq.

 


Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene