Bash bet>>Xewer Merkizi>>Muhim Xewerler
Shi jinping gérmaniye zunglisi mérkil bilen körüshti
Tehrir:Patigül muhemmet     Menbesi:Junggo uyghurche radiyo tori     Yollan'ghan waqit: 2014-07-08

junggo uyghurche radiyo tori 8-iyul béyjing xewiri:

    Dölet reisi shi jinping tünügün diyawyütey dölet méhmanxanisida gérmaniye zunglisi mérkél bilen körüshti, ikki terep junggo gérmaniye munasiwiti tereqqiyatigha ijabiy baha berdi, ikki döletning emeliy hemkarliqini yenimu kéngeytip we chongqurlashturup, junggo gérmaniye munasiwitining istratégiyelik mezmunini üzlüksiz béyitidighanliqini bildürdi, shi jinping mundaq dep körsetti: junggo bilen gérmaniye istratégiyelik shérikler, shundaqla chong döletler, ikki terep dunya chong qélipida ikki dölet munasiwitige nezer sélip we uni pilanlap, özara hörmet qilip, özara chüshinip, almashturup eynek qilip, istratégiyelik alaqe we özara ishenchni üzlüksiz chongqurlashturup, istratégiyelik maslashturush we hemkarliqni kücheytip, yer shari iqtisadini tertipke sélip we xelqara sistéma özgirishi tereqqiyatini ortaq ilgiri sürüp, dunyaning tinchliqi, muqimliqi hemde güllinishige türtke bolushi kérek. 
    Shi jinping munularni tekitlidi: junggo bilen gérmaniyening emeliy hemkarliqi köp tereplik, ikki terep téximu chongraq qedem tashlishi, téximu dangliq hemkarliq markilirini yaritishi, qarar qilghan hemkarliq türlirini yaxshi emeliyleshtürüshi kérek, ikki terep nöwette ikki döletning yasimichiliq sahesidiki hemkarliqigha küch chiqirip, frankfortta xelq puli baziri qurushi, téxi bashlanmighan konkrét hemkarliq saheliride nezirini yiraqqa tikip, yol échip yéngiliq yaritishi kérek, ikki dölet yene nezirini pütün yer sharigha qaritip, öz üstünlüklirini jari qildurup, yer shari kesip zenjirining her bir halqisidiki hemkarliqni kücheytishi kérek, junggo gérmaniyening yipek yoli iqtisad belbéghi qurulushigha ortaq qatnishishini qarshi alidu, junggo dawamliq tertiplik ilgiri süridu we échiwétidu, gérmaniyening junggo baziridiki riqabetke dawamliq qatnishishini qarshi alidu. 
    Mérkil munularni bildürdi: gérmaniye gérmaniye junggo hökümetler kéngishi qatarliq méxanizmlarning rolidin paydilinip, ikki dölet sözlishishini kücheytip, hemkarliqta yéngiliq yaritip pul muamile, sanaetni uchurlashturush, awiyatsiye alem qatnishi, ijtimaiy kapalet qatarliq sahelerde yéngi éshish nuqtilirini yétishtürüshni ümid qilidu, gérmaniye meblegh sélish muhitini yaxshilap, téximu köp junggo karxanilirini meblegh sélishqa jelp qilidu, paal tedbir qollinip, ikki dölet xadimliri alaqisigha qolayliq yaritishni xalaydu, gérmaniye 20 dölet guruhi qatarliq ramkilar ichide junggo bilen bolghan alaqe we maslishishni kücheytishni xalaydu, ikki terep yene dölet bashqurush tedbiri we ortaq köngül bölidighan xelqara rayon mesililiride chongqur pikir almashturdi.

 

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene