Bash bet>>Xewer Merkizi>>Muhim Xewerler
Élimiz iqtisadigha nezer: istémal muqim ashmaqta
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2014-07-12

 

junggo uyghurche radiyo tori 12-iyul béyjing Xewiri:
     Téz yetküzüsh mulazimiti yézilarghiche kéngeytildi, 4G torgha ulandi, aldinqi yérim yilda, tawar sétiwélishtin tartip, mulazimetni sétiwélishqiche, istémal baziri siyasetning qozghitishidiki qéliptin ichki jehette éshish qélipigha özgirip, istémal iqtisadiy tereqqiyatqa türtke bolidighan eng muqim küchke aylandi.
     Yéqinqi künlerde, guyjudiki chet-yaqigha jaylashqan buyizular kenti-yata kentide yéngiche ishlar boldi. Memlikitimizning her qaysi jaylirining xilmu-xil nersiliri téz yollanma bilen kent ahalisining öyigila yetküzülüp qalmastin, kentte intérnét toridin mal sétiwalidighan yene bir kichik tijaret orni quruldi. Kent ahaliliri köngüldikidek nerse sétiwélish üchün ikki yüz nechche kilométir yol yürmeydighan boldi.
    Jungtung téz yetküzüsh shirkiti aldinqi yérim yildila yata kentidikige oxshash téz yollanma nuqtisidin 239 ni yéngidin köpeytti, buning üchtin ikki qismi ottura, gherbiy rayonlargha merkezleshti. Döletlik pochta idarisining eng yéngi melumatigha qarighanda, aldinqi yérim yilda, téz yetküzüsh tijaritining kirimining éshishi aldinqi 10 orunda turghan ölkilerning 80% i ottura, gherbiy rayongha merkezleshken. Téz yetküzüsh mulazimitining yézilarghiche kéngeytilishi bilen déhqanlarning istémal qizghinliqi ashti. Buning bilen istémaldin ibaret bu mator aldinqi yérim yilda junggo iqtisadigha tirek bolghan eng muqim küchke aylandi.
       4G téxnikisimu uchur istémalining yéngi dolqunini qozghap, aldinqi yérim yildiki istémalning janlishidiki muhim amilgha aylandi. Hazir ötküziliwatqan dunya longqisini talishish putbol musabiqisini élip éytsaq, musabiqini yanfon arqiliq körüshtin peyda bolghan éqim miqdari 40% köpeydi.
     Aldinqi yérim yilda, 4G tori omumlashqan sheher ötken yildiki 15 tin bu yil 300 ge köpeydi, intérnt torining kéngeytilishige egiship, éqim miqdari istémali köpiyipla qalmay, yene dölitimizde yasalghan yanfonlarning sodisimu yaxshi boldi. Aldinqi yérim yilda, dölitimizde yasalghan yanfon alma, samsung yanfonlirini bésip chüshüp, dunya TD qélipidiki 4G yanfon baziri ülüshide birinchilikni igilidi, sétilishi eng yaxshi bolghan 10 marka ichide, dölitimizde yasalghan yanfonlar 80% ni igilidi.
     Aldinqi yérim yilda, élimizde istémal xaraktiridiki mulazimetke wekillik qilidighan körsetküch uda yaxshi boldi, bolupmu 3-aydin buyan, uda ikki ay ashti. Ikki chong sanliq melumattin ayan bolghan qiziq nuqtiliq 10 chong stémal ichide, saghlamliq mehsulatliri, terbiyilinish qatarliq mulazimet xaraktiridiki istémal yérim nisbetni igilidi. Hazir, élimizde mulazimetchilikning ichki ishlepchiqirish omumiy qimmitide igiligen nisbiti 46.1% ke yetti, amérikida bolsa bu nisbet 79.4% ni igileydu. Mulazimet xaraktiridiki istémalning élimiz iqtisadigha bolghan türtkilik rolini téximu keng dairide qozghashqa toghra kélidu.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene