Bash bet>>Xewer Merkizi>>Muhim Xewerler
Pen-téxnikida yéngiliq yaritishning hayatiy küchi urghup, iqtisadiy tereqqiyatqa türtke bolmaqta
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2014-07-13

 

junggo uyghurche radiyo tori 13-iyul béyjing xewiri:
     Pen-téxnikida yéngiliq yaritishning hayatiy küchi dawamliq urghup, tüzülmide yéngiliq yaritish siniqida bösüsh boldi. Aldinqi yérim yilda, yéngi téxnika we yéngi qélip téz ilgirilewatqan junggo iqtisadigha yéngi heriketlendürgüchi küch ata qildi.
     Guangdung ölkisining xuyju shehiride, her küni téz yollanma yetküzüsh üchün 500 qétim uchquchisiz ayropilan ishqa séliniwatidu, dunyada emdila yolgha qoyiliwatqan bu téxnikini 80- we 90-yillardin kéyin toghulghan yashlar tetqiq qilghan. Xushallinarliqi shuki, bu yashlar tetqiq qilip chiqqan bu uchquchisiz ayropilan amérikining holliwodtiki kino ishlesh meydanlirigha kirdi, awistiraliye déngiz saqchisining chégra linyesini charlash herikitige qatnashturuldi, ular tetqiq qilip yasighan shamal küchige tayinidighan dora pürküydighan eqliy iqtidarliq uchquchisiz ayropilan shinjang uyghur aptonum rayonida déhqanlarning kiwez étizlirigha dora chachmaqta. Bu yéngi bir ewlad kishiler qizghinliqi we eqil-parasitige tayinip eneniwiy sahelerdiki ishlepchiqirish usulini özgertmekte. Aldinqi yérim yilda, yéngiliq yaritish küchi yene kishilerning turmush usulini örgertti. Buningdin bir qanche kün ilgiri, béyjing, guangju, jéjyangdiki bir qanche 3A derijilik duxturxanida, bimarlar nomur élish uyaqta tursun, heq tapshurushqimu uchrette turmaydighan boldi, hetta tekshürüsh qeghizimu biwasite bimarning yanfonigha yetküzilidighan boldi.
     Yéngi qélip, yéngi téxnika puqralarning turmushini özgertmekte. Gin tekshürüsh tehlili, derijidin tashqiri matériyal, yéngi énérgiyelik aptomobil, 3D ékrani qatarliq achquchluq téxnikilarda zor bösüsh bolup, élimizning bezi muhim sahelerdiki yéngiliq yaritish iqtidari dunyada aldinqi qatargha ötti. Köpligen sahelerdiki yéngiliq yaritishta aldinqi orunda turushtin tartip, yéngiliq yaritishchan dölet berpa qilishqiche, yéngiliq yaritish  Méxanizmi we tüzülmidiki cheklimini buzup tashlash islahatimu téz élgirilimekte. Aldinqi yérim yilda, méxanizmda yéngiliq yaritishqa munasiwetlik siyasetler keyni-keynidin otturigha qoyuldi, dölitimiz yéngidin güllengen kesipler boyiche igilik tikleshke meblegh sélishqa yéteklesh meblighi tesis qilip, yéngiliq yaritish tipidiki ottura-kichik karxanilarning meblegh yürüshtürüsh qiyinchiliqini hel qilip, pen-téxnika netijilirini emeliy qollinish, bir terep qilish we ünümni bashqurush islahati siniqini paal ilgiri sürüp, pen-téxnika netijilirini rial ishlepchiqirish küchlirige aylandurush yolini échip, ömürlük tüzümni buzup tashlap, akadimiklarni akadimiyige kireleydighan we chiqalaydighan qilip, pen-tetqiqatchilar, bolupmu yashlarning yéngiliq yaritish aktipliqini qozghidi. Yéngiliq yaritishqa türtke bolidighan yéngi siyasetler yéngiliq yaritishning hayatiy küchini urghutup, élimiz iqtisadining tereqiyatigha türtke bolmaqta.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene