Bash bet>>Xewer Merkizi>>Muhim Xewerler
Shi jinping hindistan zunglisi modi bilen körüshti
Tehrir:Iminjan ismail     Menbesi:Junggo uyghurche radiyo tori     Yollan'ghan waqit: 2014-07-15

junggo uyghurche radiyo tori 15-iyul béyjing Xewiri:

shu jay waqti 14-iyul dölet reisi shi jinping biraziliyening fortalizada hindistan zunglisi modi bilen körüshti.

shi jinping mundaq dédi: junggo bilen hindistan eng chong tereqqiy qiliwatqan döletler we yéngidin gülliniwatqan bazargha ige döletler, milliy güllinishni ishqa ashurushtek ulugh tarixiy musapide turmaqta, eng qedirleydighini tinchliq we tereqqiyat. Qol tutushup tinchliq we tereqqiyatni ishqa ashurush, hemkarliship tereqqiy qilish, keng qorsaq tereqqiy qilish- ikki dölettiki 2 milyard 500 milyon xelqni téximu yaxshi turmushqa ige qilidu, rayon hetta dunyagha tinchliq we tereqqiyat küchi qoshush- bizning eng zor ortaq menpetimizning asasi. Men siz bilen birge junggo bilen hindistanning istratégiyelik hemkarliq shériklik munasiwitini üzlüksiz téximu yuqiri sewiyege kötürüp, istratégiyelik purset mezgilimizni, asiya hetta dunyaning tinchliqi we muqimliqini birlikte qoghdashni xalaymen.

modi mundaq dédi: men siz bilen zich yaxshi xizmet munasiwitini saqlashni xalaymen, sizning yéqinda hindistanda dölet ishliri ziyaritide bolushingizni qarshi alimen, men qolay bolghanda junggoda ziyarette bolushni xalaymen. Hindistan bilen junggoning inaq bille turup, ortaq tereqqiy qilishi dunya we insanlar üchün zor töhpe.

shi jinping munularni tekitlidi: junggo bilen hindistan alaqini kücheytishi kérek, ixtilaplarni paal we algha qarash pozitisiyesi bilen kontrol qilip we bir terep qilip, dostane kéngishish arqiliq, adil muwapiq, ikki terep qobul qilalaydighan chégra mesilisini hel qilish charisini baldurraq tépip chiqishi kérek. Axirida mesilini hel qilishtin burun, chégra rayonning tinchliqi we bixeterlikini birlikte qoghdishi lazim.

modi mundaq dédi: hindistan ikki döletning chégra mesilisini hazirqi méxanizm arqiliq, dostane kéngishish shekli we tinch yol bilen hel qilishni xalaydu. Hindistan bilen junggo xelqara we rayon ishliridiki maslishishni kücheytip, asiya we dunyaning tinchliqi, tereqqiyati we güllinishini ortaq ilgiri sürüshi kérek.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene