Bash bet>>Xewer Merkizi>>Muhim Xewerler
Shi jinping jenubiy afriqining zungtungi zuma bilen körüshti
Tehrir:Iminjan ismail     Menbesi:Junggo uyghurche radiyo tori     Yollan'ghan waqit: 2014-07-15

junggo uyghurche radiyo tori 15-iyul béyjing xewiri:

shu jay waqti 14-iyul dölet reisi shi jinping biraziliyening fortalizada jenubiy afriqining zungtungi zuma bilen körüshti.

shi jinping mundaq dep körsetti: tinchliq we tereqqiyat afriqining asasiy témisi, junggo bilen afriqa teqdir ortaq gewdisi, biz afriqa elliri bilen birge iqtisadni rawajlandurush tejribiliridin ortaq behrimen bolup, afriqining tinchliq we bixeterlik ishlirigha paal qatniship, afriqining dölet, rayon halqighan öz-ara alaqe türlirini ilgiri sürüp, afriqini birgewdileshtürüshni ilgiri sürüsh üchün téximu zor töhpe qoshushni xalaymiz. Junggo jenubiy afriqa bilen junggo afriqa hemkarliq munbiri ramkisidiki hemkarliqni kücheytip, junggo bilen afriqining yéngiche istratégiyelik shériklik munasiwitini omumyüzlük chongqurlashturushni xalaydu.

zuma mundaq dédi: jenubiy afriqa sanaetleshtürüsh we iqtisadni köp menbeleshtürüshni tézdin ishqa ashurmaqta, afriqining tinchliqi, muqimliqi, tereqqiyatini ilgiri sürüsh üchün tirishchanliq körsetmekte, junggo bilen omumyüzlük istratégiyelik shériklik munasiwetni kücheytishni ümid qilimiz, junggo karxanilirining jenubiy afriqining iqtisadi ijtimaiy tereqqiyatigha paal qatnishishini qarishi alimiz. Men bu yilning kéyinki yérimida junggoda ziyarette bolup, ikki döletning hemkarliq sewiyesini yenimu östürüshni kütmektimen. Junggo afriqa hemkarliq munbiri ministir derijilikler yighini 2015-yili jenubiy afriqida ötküzülidu, jenubiy afriqa junggo bilen birge afriqa junggo hemkarliqida téximu köp netijilerni qolgha keltürüshni xalaydu.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene