Bash bet>>Xewer Merkizi>>Muhim Xewerler
Shi jinping kélishiwalghini boyiche zongtung obama bilen téléfonlashti
Tehrir:Adil ablet     Menbesi:Junggo uyghurche radiyo tori     Yollan'ghan waqit: 2014-07-15

junggo uyghurche radiyo tori 15-iyul béyjing xewiri:

shi jinping 14- iyul kechte braziliyide kélishiwalghini boyiche zongtung obama bilen téléfonlashti. Shi jinping munularni tekitlidi: junggo ikki dölet munasiwitige istratégiyilik yükseklik we yiraq nuqti nezerdin muamile qilip, amérika bilen birlikte ikki döletning yéngi tiptiki chong döletler munasiwitini tiriship ornitishni xalaydu. Kéyinki basquchta ikki terep dawamliq algha ilgirilep, ikki tereplik meblegh sélish kélishimi söhbitini ilgiri süridu. Xelqara we rayon mesilisi jümlidin kilimat özgirishige taqabil turushta maslashturush we hemkarliqni kücheytishi lazim. Öz ara hörmet qilish we ijabiy usullar bilen ixtilapni bir terep qilishta ching turup, ikki dölet munasiwitining ijabiy yönilishke qarap rawajlinishigha heqiqiy kapaletlik qilish kérek.

obama munularni bildürdi: 6-nöwetlik amérika junggo istratégiye we iqtisad sözlishishi we 5-nöwetlik amérika junggo adimiyet almashturush yuqiri qatlam kéngishi mol muweppeqiyetke érishti. Bu ikki döletning birlikte küch chiqirip, ijabiy, bixeter, güllengen kélechekni qurushning ispati. Men sizning sözlishish we kéngishish birleshme yighinining échilish murasimida qilghan sözingizge apirin éytimen.Men amérikining junggo bilen birlikte chong tiptiki döletler munasiwitini berpa qilishqa küch chiqiridighanliqi, emeliy hemkarliqni kücheytish,ixtilaplarni ijabiy tizginleshni ikki dölet munasiwitining asasigha aylanduridighanliqini qayta tekitleymen.

ikki dölet rehberliri nöwettiki iranning yadro mesilisi üstide pikir almashturdi. Shi jinping junggoning amérika bilen alaqe we maslishishni kücheytip, omumyüzlük sijil bolghan iranning yadro mesilisini hel qilish kélishimini baldurraq hasil qilishni xalaydighanliqini bildürdi.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene