Bash bet>>Xewer Merkizi>>Muhim Xewerler
Li kéchyang iqtisadiy weziyet söhbet yighinini riyasetchilik qilip achti
Tehrir:Adil ablet     Menbesi:Junggo uyghurche radiyo tori     Yollan'ghan waqit: 2014-07-15

junggo uyghurche radiyo tori 15-iyul béyjing xewiri:

junggo kompartiyisi merkiziy komitéti siyasiy byurosi daimiy komitétining ezasi,gowuyüen zonglisi li kéchyang 14-iyul iqtisadiy weziyet söhbet yighinini riyasetchilik qilip échip, qismen merkez karxaniliri, yerliktiki dölet karxaniliri we puqrawi karxanilar mesullirining köz qarashliri, tekliplirini anglidi. Junggo kompartiyisi merkiziy komitéti siyasiy byurosi daimiy komitétining ezasi, gowuyüenning muawin zonglisi jang gawli söhbet yighinigha qatnashti.

yighinda tashqi soda, binakarliq, pul muamile, aile éléktr üsküniliri, yéza igilik ishlepchiqirish wasitiliri, éntirnit tori qatarliq sahelerdiki karxana mesulliri nöwettiki iqtisadiy weziyet heqqide köz qarashliri we karxanilar yoluquwatqan qiyin mesililerni bayan qildi. Li kéchyang estayidil anglighandin kéyin, köpchilik bilen chongqur muzakire qildi.

li kéchyang karxanilarning yéqinqi mezgilde tijaret ehwali we tereqqiyat sharaiti bir az yaxshilinip, ijabiy özgirishler körülgenliki heqqidiki inkasni anglighandin kéyin mundaq dédi: bu yil kirgendin buyan, élimiz iqtisadiy éghir yükni kötürüp, qiyinchiliqqa berdashliq bérip ilgirilidi; Weziyet murekkep, bésim bir qeder éghir bolghan ehwalda , her qaysi terepler jümlidin karxanilar partiye merkiziy komitéti, gowuyüenning tedbir orunlashturushliri boyiche tirishchanliq körsitish arqiliq, iqtisadiy heriketni muwapiq ariliqta saqlidi. Bazarning közlenmisi yaxshi. Islahatni chongqurlashturush, qurulmini tengshesh,xelq turmushini yaxshilashta yéngi ilgirileshler boldi. Bu junggo iqtisadining ghayet zor élastikilikqa ige ikenliki, éshish yoshurun küchi we eslige kélish boshluqi barliqini körsitip béridu. Biz iqtisadning ottura yuqiri sürette yüksilishi we sijil saghlam tereqqiy qilishigha ishenchimiz kamil.

li kéchyang munularni tekitlidi: iqtisadning sijil muqim éshishi, ottura we yuqiri sewiyide algha ilgirilishini ishqa ashurushning asasiy karxanilargha tayinishta. Nöwette iqtisad muqim heriketlenmkte. Biraq xéyim xeter we xiris yenila köp, bésim qiyinchiliq yene bir mezgil mewjut bolup turidu. Shunga segeklik bilen tonush we taqabil turushqa teyyarlinish kérek. Dunya iqtisadiy murekkep, yer shari xaraktérliq riqabet künsayin keskinlishiwatqan weziyette karxanilar közitip turmay, pursetni ching tutup, dadilliq bilen intilip, teshebbuskarliq bilen tipide burulush yasash lazim . Hazir qismen karxanilar weziyetke baqmay iqtisadni ashurush koyida boliwatidu, bu islahatni ilgiri sürüsh, qurulmini tengshesh, tipide burulush yasash derijisini östürüshni ching tutush, qiyinchiliqtin qutulushning asasiy yoli. Karxanilar islahatta küchep yéngiliq yaritip, yéngi téxnika qollinip, yéngi kesipni tereqqiy qildurup, yéngi sahelerni yétildürüsh kérek. Bazargha kirishte baha riqabitigila tayiniwalmay süpet ötkilini ching tutush lazim. Bazarning zerbisige taqabil turup, riqabet iqtidarini östürüp, eneniwi tereqqiyat qorghinini bösüp ötüp, süpet ünümini östürüp, muqim ashurush, islahatni ilgiri sürüsh, qurulmini tengshesh, xelqqe nep yetküzüshke töhpe qoshush lazim.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene