Bash bet>>Xewer Merkizi>>Muhim Xewerler
Shi jinping altun kések döletliri rehberlirining 6-qétimliq uchrishishigha qatnashti
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2014-07-16

 

junggo uyghurche radiyo tori 16-iyul béyjing xewiri:
     Altun kések döletliri rehberlirining 6-qétimliq uchrishishi braziliye waqti tünügün chüshtin burun yeni béyjing waqti tünügün kechte braziliyening fortalézada ötküzüldi. Dölet reisi shi jinping uchrishishqa qatnashti hemde muhim söz qildi. Shu yer waqti tünügün chüshtin burun saet 10 din ashqanda, hindistan zunglisi modi, jenubiy afriqa zungtungi zuma, junggoning dölet reisi shi jinping, rusiye zungtungi putin keyni-keynidin fortalézadiki séra oblastliq yighin merkizige yétip keldi. Braziliye diplomatiye ministirliqining emeldarliri her qaysi el rehberliri mashinidin chüshidighan jayda ularni kütiwélip, ularni kütiwélish zaligha bashlap kirdi, rehberler bu yerde saqlap turghan braziliye zungtungi rosséf bilen süretke chüshti. Arqidin, altun kések döletliri bashliqliri kichik dairide yighin achti. Besh döletning rehberliri "siyasiy jehette kéngishish-dunyani tertipke sélish we rayon kirizisi", "imkaniyetlik sijil tereqqiyat we sighdurushchan éshish" tin ibaret ikki qaralmini chöridigen halda söz qildi we pikir almashturdi. Yighin ayaghlashqandin kéyin, altun kések döletliri rehberliri kollékitip süretke chüshti. Uningdin kéyin, ular soda-sanaet kéngishining 25 wekili bilen qisqighine körüshti. Adet boyiche, xelqara yighinlarda, rehberler söhbet üstidila emes, belki yene ziyapettimu özara pikir almashturidu. Bu qétimqi altun kések döletliri rehberliri uchrishishidimu shundaq boldi. Chüshte, zungtung rosséf yighin merkizidiki ziyapet zalida her qaysi el rehberlirige xizmet chüshlük tamiqi berdi. Chüshtin kéyin,  Altun kések döletliri rehberlirining uchrishishi dawamlashti. Reis shi jinping her qaysi el rehberliri bilen birlikte alaqidar höjjetlerni imzalash murasimigha qatnashti. Shuningdin kéyin uchrishish keng dairilik yighin basquchigha qedem qoydi. Besh döletning rehberliri "sighdurushchan éshish we imkaniyetlik sijil hel qilish layihesi" din ibaret qaralmini chöridigen halda tertip boyiche söz qildi. Bu qétimqi uchrishish altun kések döletliri rehberlirining 2-qétimliq uchrishishining tunji qétimliqi bolup, aldinqilargha warisliq qilip, kéyinkilerge yolgha échishtek muhim ehmiyetke ige. Yighindin kéyin élan qilinghan " fortaléza xitapnamisi" altun kések döletliri méxanizmining yéngi bir nöwetlik tereqqiyatini pilanlaydighan namayendilik höjjet bolup qélishi mumkin.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene