Bash bet>>Xewer Merkizi>>Muhim Xewerler
Shi jinping altun kések döletliri bashliqliri yighinida muhim söz qildi
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2014-07-16

 

junggo uyghurche radiyo tori 16-iyul béyjing xewiri:
    Altun kések döletliri rehberlirining 6-qétimliq uchrishishi 15-iyul braziliyening fortaléza shehiride ötküzüldi.  Junggoning dölet reisi shi jinping, braziliye zungtungi rosséf, rusiye zungtungi putin, hindistan zunglisi modi, jenubiy afriqa zungtungi zuma uchrishishqa qatnashti. Besh döletning rehberliri "sighdurushchan éshish we imkaniyetlik sijil hel qilish layihesi"dégen bash témini chöridigen halda, nöwettiki dunyaning iqtisadiy weziyiti, xelqara siyasi bixeterlik mesilisi heqqide pikir almashturup, keng ortaq tonush hasil qilip, muhim netijige érishti.
    Shi jinping "yéngi bashlinish, yéngi ümid, yéngi heriketlendürgüchi küch" dégen bash meqsette söz qilip mundaq dep körsetti: altun kések döletliri échiwéitish, keng qursaq bolush, hemkarlishish, teng ghelibe qilish rohi boyiche, ötken besh yilliq tejribilerni yekünlesh asasida, yéngi hemkarliq pilanini tüzüp, téximu qoyuq, téximu omumyüzlük, téximu mustehkem bolghan shériklik munasiwetni rawajlandurushi kérek. Konkirét qilip éytqanda, mundaq bir qanche jehette tirishchanliq körsitishi zörür:
    Birinchi, iqtisadning imkaniyetlik sijil éshishini qetiy tewrenmey ilgiri sürüsh. Zörür iqtisadiy islahatlarni élip bérish arqiliq, ichki hayati küchni ashurup, sighdurushchan ashurush diyeside ching turup, ijtimaiy siyaset arqiliq makroluq iqtisadiy siyasetke kapaletlik qilip, iqtisadning san jehette éshishtin süpet jehette éshishigha türtke bolup, iqtisadiy, ijtimaiy tereqqiyatni maslashturup, muhitni asrap, tereqqiyat boshluqini téximu kéngeytish kérek.
    Ikkinchi, omumyüzlük iqtisadiy hemkarliqni qetiy tewrenmey qanat yaydurush. Soda we meblegh sélish saheside bir gewdileshken chong bazar berpa qilish üstide izdinip, pul we pul muamile jehette köp qatlamliq oborot shekellendürüp, asasiy eslihe qurulushini déngiz, qoruqluq, hawadin tutashturup, adimiyet saheside her qaysi el xelqining almashturushigha, altun kések döletliri tereqqiyat bankisi we jiddiy zapisining baldurraq ishqa kirishtürülishige türtke bolush kérek. 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene