Bash bet>>Xewer Merkizi>>Muhim Xewerler
Shi jinping teywendiki ayropilan weqeside qaza qilghuchilargha teziye bildürdi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-07-24

 

junggo uyghurche radiyo tori 24-iyul béyjing xewiri:

latin amérikisida ziyarette boluwatqan junggo kompartiyesi merkiziy komitétining bash shujisi shi jinping teywendiki bir yoluchilar ayropilanining weqege uchrap, éghir ölüm-yétim bolghanliqini uqqandin kéyin, qattiq qayghurdi, u gowuyüen teywen ishliri ishxanisidin derhal teywendiki alaqidar tarmaqlar bilen alaqiliship, özi we chong quruqluq xelqining qaza qilghuchilargha bolghan chongqur teziyesini yetküzüp, ularning uruq-tughqanliridin semimiy hal sorashni mexsus telep qildi.

teywen taratqulirining xewirige qarighanda, 23-iyul kech saet yettilerde, teywen fushing awiyatsiye shirkitining gawshyongdin péngxugha uchqan bir nöwetchi ayropilani hawa rayi nachar bolghanliqtin jiddiy qonmaqchi bolghanda hadisige uchrap, 47 adem qaza qilghan, 11 adem yarilanghan.

gowuyüen teywen ishliri ishxanisining mesuli derhal teywen chong quruqluq komitéti we junggo gomindangi merkiziy chong quruqluq ishliri bölümi bilen alaqiliship, junggo kompartiyesi merkiziy komitétining bash shujisi shi jinpingning qaza qilghuchilargha qilghan chongqur teziyesi hem ularning uruq-tughqanliridin semimiy hal sorash ehwalini yetküzdi. Bu mesul kishi mundaq dédi: latin amérikisida ziyarette boluwatqan junggo kompartiyesi merkiziy komitétining bash shujisi shi jinping teywenning bir yoluchilar ayropilanining hadisige uchrap, éghir ölüm-yétim bolghanliqini uqup, qattiq qayghurdi, u gowuyüen teywen ishliri ishxanisidin derhal teywendiki alaqidar tarmaqlar bilen alaqiliship, özi we chong quruqluq xelqining qaza qilghuchilargha bolghan chongqur teziyesini yetküzüp, ularning uruq-tughqanliridin semimiy hal sorashni mexsus telep qildi. Teywen terep buninggha rehmet éytti. Bu mesul kishi mundaq dédi: eger teywen her qandaq yardemge éhtiyajliq bolsa, chong quruqluq pütün küchi bilen yardem béridu. Teywen boghuzi ikki qirghaq munasiwiti jemiyitining mesuli teywen boghuzi almashturush fondi jemiyitining mesuligha bash shuji shi jinpingning qaza qilghuchilargha chongqur teziye bildürgenliki we ularning uruq-tughqanliridin semimiy hal sorighanliqini yetküzdi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene