Bash bet>>Xewer Merkizi>>Muhim Xewerler
Aldinqi yérimda yilda yéza igilik mehsulati dawamliq ashti
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-07-24

 

junggo uyghurche radiyo tori 24-iyul béyjing xewiri:

élimizning yéza igilik, yéza iqtisadi aldinqi yérim yilda muqimliq ichide dawamliq ashti. Döletlik istatistika idarisi élan qilghan sanliq melumatqa qarighanda, deslepki hésab boyiche, aldinqi yérim yilda 1-kesipning qoshulma qimmiti bir tirilyon 981 milyard 200 milyon yüenge yétip, oxshash mezgildikidin 3.9% ashqan. 1-kesipning eng muhim qismi bolghan tériqchiliq bilen charwichiliqning asasliq mehsulat miqdari muqim ashqan.

yazliq ashliq, mayliqdandin mol hosul élindi. Pütün memliketning yazliq ashliq omumiy mehsulati 273 milyard 190 milyon jinggha yétip, bulturqidin toqquz milyard 490 milyon jing, yeni 3.6% ashti. Aldinqi yérim yildiki ashliq ishlepchiqirishi yaxshi bashlandi, yazliq ashliqtin uda 11-yil mol hosul élinip, yéqinqi besh yildin buyan birlik mehsulatining éshish kölimi eng yuqiri bir yil boldi. Charwichiliq bultur keynige yanghandin kéyin, bu yil kirgendin buyan, muqim asasta tereqqiy qildi. Aldinqi yérim yilda, qoy, kala gösh mehsulati 40 milyon 30 ming tonnigha yétip, oxshash mezgildikidin 1.7% éship, qoy, kala göshining teminati körünerlik yaxshilandi.

bu yil kirgendin buyan, merkez maliyesi qoy, kala göshi ishlepchiqirish tereqqiyat meblighidin bir milyard 400 milyon yüenni yéngidin köpeytip, gösh kalisi, siyir padisini köpeytish toluqlimisigha ishletti. Siyasetning türtkisi we heriketning türtkiside, qoy, kala göshi ishlepchiqirish muqim tereqqiy qildi, béqiliwatqan gösh kalisi aziyip kétish yüzlinishi astilidi, béqiliwatqan gösh qoyi köpeydi, bahasining örlishi astilidi. 6-ayda, pütün memlikettiki kala göshining ayliq otturiche baha örlesh kölimi bulturning oxshash mezgilidikidin 25 poént, qoy göshining 15 poént chüshti.

bu yil kirgendin buyan, ichki iqtisadning omumiy jehettin astilishi we istémal telipining jansiz bolushi arqisida, élimizning kölemleshken yéza igilik mehsulatliri pishshiqlap ishlesh kespide yenila asasliq tijaret kespining kirimi sekkiz tirilyon 400 milyard yüen bolup, oxshash mezgildikidin 9.5% éship, pütün memlikettiki kölemleshken sanaetning éshish süritidin 1.4 poént yuqiri boldi, omumiy miqdari, ünümi dawamliq ashti.

aram yéza igilikining kölimi tertiplik tereqqiy qilip, medeniyetke warisliq qilish, ékologiye iqtidari, ijadiyet kespi, zamaniwi yéza igilik qurulushi bilen özlüksiz jipsilashti. Aram yéza igilikini tereqqiy qildurush arqiliq, déhqanlarning yéza igilik ishlepchiqirish kirimi bilen tijaret kirimi, ishqa orunlishish kirimi bilen igilik tiklesh kirimi, pesillik kirimi bilen uzun yilliq kirimi öz ara türtke bolup, déhqanlarning töt pesil özlüksiz kirim qilishigha kapaletlik qilindi.

döletlik istatistika idarisining sanliq melumatidin aldinqi yérim yilda, sheher-yéza ahalilirining kirim perqi kichikligenliki ayan boldi. Yéza igilik ministirliqi siyaset, nizam mehkimisining alaqidar mesuli mundaq dédi: nöwette déhqanlar kirimining éshishi tereqqiyat yüzlinishige uyghun bolup, köp tereptin kirim qilish endizisi dawamliq shekillenmekte, asasliq yéza igilik mehsulatlirining miqdari éship, bahasi yaxshi bolmaqta, déhqan ishlemchilerdin sirtqa chiqip ishligenler köpiyip, ish heqqi ösmekte.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene