Bash bet>>Xewer Merkizi>>Muhim Xewerler
Shi jinping santiyagoda ziyarette boldi
Tehrir:Patigül muhemmet     Menbesi:Junggo uyghurche radiyo tori     Yollan'ghan waqit: 2014-07-25

junggo uyghurche radiyo tori 25-iyul béyjing xewiri:

    Dölet reisi shi jinping ülüshkün kuba dölet komussariyatining reisi, qoshumche ministirlar kéngishining reisi laor kastironing hemrahliqida kubadiki ikkinichi chong sheher, qehrimanlar shehiri dep atilidighan santiyagoda ziyarette boldi, shi jinping santiyagogha chüshkendin kéyin aldi bilen laorning hemrahliqida madining qebrisige gülchembirek qoydi. 
    Shuningdin kéyin shi jinping monkada herbiy lagiri xarabisini ékskursiye qildi, 1953-yili 26-iyul fédil kastiro bir türküm yash inqilabchilarni bashlap bu lagirni élip, kuba inqilabining birinchi oqini atqan idi, laor shi jinpinggha köresh kechürmishlirini sözlep berdi, shi jinping mundaq dep körsetti: junggo bilen kuba partiyeliri we ikki dölet shanliq inqilabiy tarixqa ige, inqilabiy qehrimanlar bizning üzlüksiz algha ilgirilishimizge ilham béridighan qimmetlik rohiy bayliqimiz, laor kastiro shi jinpinggha bu jayning hazir mektep sheherchisi qilinghanliqini éytti, bu jay kubaning wetenperwerlik terbiyesi bazisi, shi jinping tarixni éside mehkem tutqandila andin kelgüsige yüzlengili bolidu dep tekitlidi. 
    Shi jinping monkada herbiy lagiridin ayrilip santiyago sheherlik hökümetke keldi, shi jinping bilen laor kasitoro birlikte ikkinchi qewettiki balkongha chiqti, 1959-yili 1-yanwar fédil kastiro del mushu jayda turup kuba inqilabining ghelbe qilghanliqini jakarlighan idi, hökümet meydani aldida shu jaydiki amma yighilip shi jinpingni birlikte qarshi aldi, laor kastiro mundaq dédi: bügün témpératura nahayiti yuqiri , emma kuba xelqining sizge bolghan qizghinliqi uningdinmu yuqiri ,shi jinping munularni bildürdi: bügün reis laor kastiro inqilab tarixini qayta eslidi, kuba inqilabi ewladmu ewlad untulmaydu. Kuba xelqi qehriman xelq, santiyago qehrimanlar shehiri, ishinimenki kuba xelqi reis laor kastironing we kuba kompartiyesining rehberlikide özining ehwaligha uyghun kélidighan sotsiyalizm yolda méngish jeryanida yéngi téximu zor ilgirleshlerge érishidu. 
    Shi jinping ékiskursiyedin kéyin laor kastiro bilen yene bir qétim körüshüp, junggo kuba munasiwiti we ortaq köngül bölidighan témilarda yenimu pikir almashturdi. 
    Shu küni kechte shi jinping kubadiki ziyaritini axirlashturup, santiyagodin ayrilip, dölitige qaytti, laor kastiro kubadiki yuqiri derijilik emeldarlarni bashlap ayrodurumgha uzitip chiqti, laor kastiro munularni bildürdi: reis shi jinpingning kubadiki dölet ishliri ziyariti toluq muweppiqiyetlik boldi, biz nahayiti yaxshi paranglashtuq, kuba bilen junggoning munasiwitini yenimu tereqqiy qildurush heqqide nurghun yéngi muhim ortaq tonushqa kelduq, reis shi jiningning latin amérikisidiki sepirining mol ünümlük bolushigha tilekdashmen. 
    Shi jinping munular tekitlidi: bu qétim latin amérikisigha qilghan sepirim kubada ayaghlashti, reis laor kastiro özi biwasite küntertiplerni orunlashturup, bashtin axiri hemrah boldi, bu manga reis laor kastiro we kuba partiyesi, hökümiti, xelqining junggogha bolghan chongqur dostluqini hés qildurdi, men chin dilimdin rehmet éytimen, junggo kuba munasiwitining üzlüksiz tereqqiy qilishi, ikki dölet xelqining dostluqining menggülük bolushini tileymen.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene