Bash bet>>Xewer Merkizi>>Muhim Xewerler
Aldinqi yérim yilda sanaet iqtisadi muqimliq ichide ilgirilidi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-07-25

 

junggo uyghurche radiyo tori 25-iyul béyjing xewiri:

sanaet we uchurlashturush ministirliqi yéqinda élan qilghan sanaet iqtisadiy herikiti sanliq melumatidin ayan bolushiche, aldinqi yérim yilda, pütün memlikettiki kölemleshken sanaetning qoshulma qimmiti oxshash mezgildikidin 8.8% éship, 1-pesildikidin 0.1 poént téz bolghan; Aldinqi besh ayda élinghan payda oxshash mezgildikidin 9.8% éship, asasliq tijaret kespi kirimining éshish kölimidin 1.7 poént téz bolghan; Yasimichiliqning mal sétiwélishni bashqurush körsetküchi uda töt ay ashqan, sanaet ishlepchiqarghuchilarning zawuttin chiqirish bahasining chüshüsh kölimimu tedrijiy astilighan. Bu-aldinqi yérim yilda élimiz sanaet iqtisadiy weziyitide astilash ichide muqimlishish, muqimlishish ichide ilgirileshtin ibaret asasiy alahidilikning peyda bolghanliqini körsitip béridu.

sanaet we uchurlashturush ministirliqining axbarat bayanatchisi, heriketni tekshürüsh idarisining bashliqi jéng lishin mundaq dep körsetti: sanaet ishlepchiqirish nuqtisidin qarighanda, gerche éshish süriti bashqa yillardikige qarighanda sel astilighan bolsimu, lékin sanaet herikiti muqimlishishqa qarap yüzlendi hem éshishqa bashlidi. 1-pesilde, pütün memlikettiki kölemleshken sanaetning qoshulma qimmiti oxshash mezgildikidin 8.7%, 2-pesilde 8.9% ashti. Buning ichide, 6-ayda 9.2% ke yetti, sanaetning asasiy gewdisi bolghan yasimichiliqning qoshulma qimmiti bu yilning aldinqi yérimida oxshash mezgildikidin 9.9% ashti.

kéyinki yérim yilliq weziyetke nezer salsaq, merkez arqa-arqidin chiqarghan bir yürüsh aldin tengshesh, mikro tengshesh we nishanliq tengshep tizginlesh siyaset, tedbirlirining türtkiside, türlük ijabiy amillar köpiyip, sanaet tereqqiyatining yenimu yaxshilinishidin ümid bar. Jéng lishin mundaq dédi: biz kéyinki yérim yilda jemiyetning omumiy telipi dawamliq muqim ashidu, tashqi soda éhtiyajining yenimu muqimlishishidin ümid bar, sanaet kéyinki yérim yilda tekshi éshish, muqimliq ichide örleshtin ibaret tereqqiyat halitini dawamliq saqlaydu dep höküm qilduq.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene