Bash bet>>Xewer Merkizi>>Muhim Xewerler
Élimiz iqtisadining éshishidiki ichki heriketlendürgüchi küch körinerlik ashmaqta
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2014-07-26

 

junggo uyghurche radiyo tori 26-iyul béyjing Xewiri:
     Muqimliq ichide algha ilgirilesh nöwette junggo iqtisadini makroluq tengshep tizginleshning asasi. Muqimliq iqtisadning éshish süriti, mal bahasi we ishqa orunlashturushni, algha ilgirilesh tereqqiyat usuli, iqtisadiy qurulma, iqtisadning éshish süpiti we ünümini köristidu. Aldinqi yérim yilda keyni-keynidin élan qilinghan iqtisadqa dair sanliq melumatlardin shu ayan boldiki, junggo iqtisadining éshishidiki ichki heriketlendürgüchi küch melum derijide ashqan, iqtisadiy qurulma tedrijiy yaxshilanghan, süpetni östürüsh, ünümni ashurush qedimi tézleshken, xelq igilikining muqimliq ichide algha ilgirilishi asasen emelge ashqan. 
     Gowuyüen meslihetchiler ishxanisining tekliplik tetqiqatchisi yaw jingyüenning tonushturishiche, bu yil kirgendin buyan, ishlepchiqirish tipidiki mulazimetchilikning tereqqiyat süriti tézleshken, bu sahediki soda paaliyiti, yéngi zakaz, yéngi ékisport zakizi körsetküchi yéqinqi üch aydin buyan zor derijide ashqan. Ishlepchiqirish tipidiki mulazimetchilik wekillikidiki zamaniwiy mulazimetchilikning téz tereqqiy qilishigha egiship, yéqinqi yillardin buyan 3-kesipning éshish süriti 2-kesipningkidin téz bolush yüzlinishi dawamlishishi mumkin.
     Yéqinqi yillardin buyan Ichki ishlepchiqirish omumi qimmiti jehette birinchi chong ölke bolghan guangdung ölkisining iqtisadining éshish süriti melum derijide astilighan bolsimu, iqtisadiy tereqqiyatning süpiti bir qeder yuquri boldi, qurulmini yenimu tengshesh serxillashturuldi. Aldinqi yérim yilda, guangdung ölkisining zamaniwi mulazimetchilikining tereqqiyati bir qeder téz bolup, sanaettiki yuquri derijilik ilghar kesiplerning orni yenimu gewdilendi, emma yuquri serpiyatliq kesipler tedriji zawalgha yüz tutti. Buning eksiche, birinchi pesilde senshi, ichki mongghul, xéylungjyangdin ibaret énérgiye chong ölkiliri ichki ishlepchiqirish omumiy qimmitining tertipi jehette keynide turdi, bu pütün jemiyetning énérgiye éhtiyajining ajizlishiwatqanliqini körsitidu, buninggha memliket boyiche yuquri serpiyatliq kesiplerning éshish süritining astilishining janliq kartinisi yushurunghan, bu öz nöwitide pütün jemiyette énérgiye téjep, bulghimini azaytishning ijabiy netijige érishkenlikining merkezlik gewdilinishidur. Bezi ölkilerning aldida, bezi ölkilerning keynide turushi iqtisadiy tereqqiyat usulida özgirish boliwatqanliqini körsitidu.  
     Aldinqi yérim yilda junggo iqtisadining éshishi asasliqi istémal we meblegh sélishning ong yönilishlik türtke bolushidin boldi, xelq igilikining éshishining ichki heriketlendürgüchi küchi melum derijide ashti, ichki telepni ashuridighan siyaset-tedbirler tedriji ünümini körsitishke bashlidi.
     Istémalning éshishi omumning puligha istémal qilishni tizginlesh, ammining istémal qilishi, tor istémali qatarliqlarning dawamliq téz éshishi asasida boldi. Bu istémal qurulmisida ijabiy özgirish boliwatqanliqini körsitidu.
     Meblegh sélishning éshishi bir tereptin öy-mülük we yuquri serpiyatliq kesiplerge meblegh sélishning éshishining astilishidin, yene bir tereptin kapaletlik öy qurulushi, kepilik mehellilerni özgertish, ul eslihe qurulushi qatarliq xelq igilikidiki ajiz halqilargha meblegh sélishning dawamliq téz éshishidin boldi. Bu yerdiki astilash we téz éshish meblegh sélish qurulmisining téximu serxillishiwatqanliqini körsitidu. 

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene