Bash bet>>Xewer Merkizi>>Muhim Xewerler
Aldinqi yérim yilda jaylarning iqtisadiy tereqqiyati muqimliq ichide rawajlandi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-07-28

 

junggo uyghurche radiyo tori 28-iyul béyjing xewiri:

27-iyulghiche, pütün memlikettiki 29 ölke, aptonom rayon, merkezge biwasite qarashliq sheher aldinqi yérim yilliq iqtisad sanliq melumatini élan qildi, aldinqi yérim yilda iqtisad omumiy miqdari bir tirilyon yüendin ashqan ölke on boldi, buning ichide, guangdung, jyangsuning üch tirilyon yüendin ashti. Gerche nurghun jaylarning iqtisadining éshish süriti bulturqining oxshash mezgildikidin asta bolsimu, lékin kesip qurulmisini teshebbuskarliq bilen tengshep, süpitini östürüsh, mezmunini béyitish arqiliq, jaylarning iqtisadiy tereqqiyati omumiy jehettin tekshi bolup, muqimliq ichide rawajlandi. Döletlik istatistika idarisining axbarat bayanatchisi shéng leyyün mundaq dédi: yéqinqi ikki yilda 3-kesipning ichki ishlepchiqirish omumiy qimmitide igiligen nisbiti 2-kesip bolghan sanaetningkidin éship ketti. Élimiz iqtisadi sanaet yétekchilik qilish tipidin mulazimet yétekchilik tipidiki iqtisadqa qarap özgermekte. Gowuyüen tereqqiyat we tetqiqat merkizi makroluq iqtisad tetqiqat bölümining tetqiqatchisi jang lichün mundaq dep qaridi: élimizning iqtisadi sanning kéngiyishidin süpetning ösüshige qarap mangghan muhim basquchta turmaqta, kelgüsidiki iqtisadning éshishida süpetke barghanséri ehmiyet bérilidu. Junggo iqtisadining tereqqiyat usulida burulush yasash zörür bolmaqta. Birlik ichki ishlepchiqirish omumiy qimmitining miqdarigha qarap yürüsh qiliwatqan chaghda, junggo iqtisadining tereqqiyatidiki eng muhim ish éshish süritining yuqiri-töwenlikide emes. Elwette, süret bolmisimu bolmaydu, téximu muhimi ashurush süpiti we mezmunini östürüsh. Aldinqi yérim yilliq iqtisad sanliq melumatida, shizang 11.7% lik iqtisadning éshish süriti bilen 1-orunda turdi, chungching, tyenjin, chingxey, güyju qatarliq jaylarmu 10% tin yuqiri süret bilen ashurdi. Iqtisad omumiy miqdarida, guangdung, jyangsu ölkilirining üch tirilyon yüendin ashti. 1-pesildiki bilen sélishturghanda, nurghun ölkilerning ichki ishlepchiqirish omumiy qimmitining éshish süriti örleshke bashlidi. Junggo ijtimaiy penler akadémiyesi sanaet iqtisadi tetqiqatxanisining bashliqi xuang chünxuy bu netije tizimliki heqqide mundq dédi: ichki ishlepchiqirish omumiy qimmiti yerliktiki emeldarlarni tekshüridighan birlik körsetküch bolmay qaldi. Keng kölemlik qozghitishni qilmasliq aldinqi sherti astida, iqtisad töwenlesh bésimi aldida, yil béshida tüzgen iqtisadni ashurush nishanini ongushluq ishqa ashurghili bolamdu-yoq? Döletlik istatistika idarisining axbarat bayanatchisi shéng leyyün bu heqte mundaq dédi: bu yil hökümet nurghun islahat siyaset, tedbirlirini chiqardi, islahat, échiwétish we yéngiliq yaritish iqtisadni ashurush tereqqiyatining heriketlendürgüchi küchi we hayatiy küchige dawamliq aylanmaqta, méningche, kéyinki yérim yilliq iqtisad tekshi bolidu, bir qeder téz ashurush yenila shertlik bolidu. Iqtisadning muqim asasta yaxshi tereqqiy qilish weziyitini mustehkemlesh pütünley mumkin.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene