Bash bet>>Xewer Merkizi>>Muhim Xewerler
J k p merkiziy komitéti siyasiy byurosi yighin achti
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2014-07-30

 

junggo uyghurche radiyo tori 30-iyul béyjing xewiri:
     Junggo kompartiyesi merkiziy komitéti siaysiy byurosi tünügün yighin échip, junggo kompartiyesi 18-nöwetlik merkiziy komitétining 4-omumiy yighinini bu yil 10-ayda béyjingda échishni qarar qildi, yighinning asasliq qaralmisi: junggo kompartiyesi merkiziy komitéti siyasiy byurosi merkiziy komitétqa xizmitidin doklat bérish, döletni qanun bilen idare qilishni omumyüzlük ilgiri sürüshtin ibaret zor mesilini tetqiq qilish. Yighinda aldinqi yérim yildiki iqisadiy weziyet we kéyinki yérim yilliq iqtisadiy xizmetler tehlil we tetqiq qilindi. Junggo kompartiyesi merkiziy komitétining bash shujisi shi jinping yighingha riyasetchilik qildi.
 Yighinda mundaq dep hésablandi: omumyüzlük halliq jemiyet berpa qilish, jungxua milletlirining ulugh güllinishidin ibaret junggo arzusini ishqa ashurush, islahatni omumyüzlük chongqurlashturush, junggoche sotsiyalizm tüzümini mukemmelleshtürüsh we rawajlandurush, partiyening hakimiyet yürgüzüsh iqtidari we hakimiyet yürgüzüsh sewiyesini östürüshte qanun bilen idare qilishni chuqum omumyüzlük ilgiri sürüsh kérek.
     Yighinda munular tekitlendi: partiyimiz yéngi weziyet, yéngi wezipe aldida, dölet ichi we xelqaraning omumluqini téximu yaxshi bir tutash pilanlap, élimizning tereqqiyatidiki muhim istratigiyelik pursetni téximu yaxshi qoghdap we uningdin paydilinip, jemiyettiki küchlerni bir tutash pilanlap, ijtimaiy menpeetni tengpunglashturup, ijtimaiy munasiwetni tengshep, jemiyet herikitini qéliplashturup, élimiz jemiyitini chongqur özgirish dawamida hayatiy küchke ige qildi, iqtisadni tereqqiy qildurush, siyasida ashkare bolush, medeniyetni güllendürüsh, jemiyetni adillashurush, ékologiyeni yaxshilash, élimizni tinch tereqqiy qildurushtin ibaret istratégiyelik nishanni ishqa ashurushta qanun bilen idare qilishning bashlamchiliq roli we qéliplashturush rolini téximu yaxshi jariy qildurush kérek.
     Yighinida mundaq dep körsitildi: kéyinki yérim yilliq iqtisadiy xizmetni yaxshi ishleshte, partiye 18-qurultiyi we 18-nöwetlik merkiziy komitéti 3-omumiy yighinining rohini omumyüzlük izchillashturup, merkez iqtisad xizmiti yighinining hel qilghuch orunlashturmilirini emeliyleshtürüp, islahat, tereqqiyat, muqimliqning tengpunglishish nuqtisini, yéqinqi mezgildiki nishan we uzaq muddetlik tereqqiyatning tengpunglishish nuqtisini, iqtisadiy, ijtimaiy tereqqiyat bilen xelq turmushini yaxshilashning bérikish nuqtisini toghra igilep, muqimliq ichide ilgirileshtin ibaret xizmetning asasi yönilishide ching turup, makroluq siyasetni muqimlashturush, mikroluq siyasetni janlandurush, ijtimaiy siaysetni kapaletke ige qilishtin ibaret tüp tepekkurde ching turup, makroluq siyasetning izchilliqi we muqimliqini saqlash kérek, iqtisadiy tereqqiyattiki gewdilik mesililerni közde tutup, nishanliq tengshep tizginleshke téximu ehmiyet bérip, nöwettiki we uzaq muddetlik ishlargha teng étibar bérilidighan siyaset tedbirlerni yolgha qoyup, islahat, échiwétishni chongqurlashturup, qurulmini tengsheshni küchlük ilgiri sürüp, xéyimxeterdin saqlinip we uni tügitip, xelq turmushini özlüksiz yaxshilap, iqtisadning sijil, saghlam tereqqiy qilishini ilgiri sürüp, pütün yilliq iqtisadiy, ijtimaiy tereqqiyatning közlime nishanini tiriship ishqa ashurush kérek. 
     Yighinda munular telep qilindi: islahatni hemme ishlarda muhim orungha qoyup, mesililerni bashlamchi qilip, muqim éshish, qurulmini tengshesh, xelq turmushigha nep yetküzüsh, xéyimxeterdin saqlinishni chöridigen halda, islahatni téz ilgiri sürüp, bazarning ichki heriketlendürgüchi küchi we hayatiy küchini urghutush; Organlarni ixchamlash, hoquqni qoyiwétishning salmiqini ashurup, meblegh sélish tüzülmisi islahatini chongqurlashturup, tebiiy monopol kesiplerning riqabet tipidiki tijaritini, mulazimetchilikni tertiplik échiwétishni, yasimichiliqning ijazet cheklimisini qoyiwétish, shuning bilen bir waqitta qoyiwétish bilen bashqurushni birleshtürüp, bazarni nazaret qilip bashqurushni kücheytish kérek.
     Yighinda yene munular telep qilindi: xelq turmushi,  Ijtimaiy kapalet qatarliq  Sahelerdiki ünümlük teminleshni zoraytip, xelq turmushini dawamliq yaxshilap, ishqa orunlishish, igilik tikleshni ilgiri sürüp, dawalash, dorigerlik, saqliq saqlash ishlirini kücheytish; Saqliniwatqan türlük xéyimxeterlerni toghra igilep, oxshimighan xéyimxeterge ünümlük usul bilen taqabil turup we uni tügitip, iqtisadiy, ijtimaiy tereqqiyatning sijil, saghlam tereqqiy qilishigha heqiqiy kapaletlik qilish kérek. 

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene