Bash bet>>Xewer Merkizi>>Muhim Xewerler
Li kéchyang yer tewresh neq meydanigha apettin qutquzushqa qomandanliq qildi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-08-05

 

junggo uyghurche radiyo tori 5-awghust béyjing xewiri:

junggo kompartiyesi merkiziy komitéti siyasiy biyurosi daimiy komitétining ezasi, gowuyüen zunglisi li kéchyang 4-awghust chüshtin kéyin yünnen ölkisi ludyen nahiyesidiki yer tewreshning merkizige jaylashqan longtushen bazirida apet ehwalini emeliy közdin kechürgendin kéyin, bazarliq ottura mektep tenterbiye meydanidiki chédirda neq meydan yighini échip, yer tewreshke taqabil turup, apettin qutquzush jehettiki mesililerni maslashturup hel qildi. Yighin bashlanghanda, li kéchyang we yighingha qatnashqan barliq yoldashlar bu qétimqi yer tewreshte bextke qarshi qaza qilghanlargha teziye bildürdi.

yighinda li kéchyang otturigha qoyulghan teklipler bilen emeliy közdin kechürüsh jeryanida igiligen ehwallarni birleshtürüp, kéyinki qedemdiki yer tewreshke taqabil turup, apettin qutquzush xizmitini yaxshi ishlesh heqqide mundaq bir nechche telepni otturigha qoydi: 1-kespiy qutquzush küchini kücheytip, döletning yer tewresh apitidin jiddiy qutquzush qismini apet bolghan rayondiki eng éhtiyajliq jaylargha orunlashturup, téximu ünümlük qutquzush kérek. 2-apet bolghan jaylarda yaridarlar bir qeder köp bolush, dawalap qutquzush sharaiti cheklik bolush ehwaligha asasen, téximu köp tejribilik dawalash küchlirini apet bolghan jaylargha yötkesh shundaqla éghir yaridarlarni doxturxana yötkep tézdin dawalap, méyip bolup qélish we qaza qilishni eng zor chekte azaytish lazim. 3-tashyol jehettiki hayatliq liniyesini jiddiy échip, herbiy qisim qatarliq her qaysi küchlerning rolini téximu yaxshi jari qildurup, apet bolghan jaylargha jiddiy éhtiyajliq eshyalarni yötkep, ammining asasiy turmush éhtiyajigha heqiqiy kapaletlik qilish kérek. 4-kespiy küchlerni apet bolghan jaylarning yuqumdin saqlinishini kücheytishke yötkep, keng kölemlik dézinféksiye qilip, apettin kéyin éghir yuqum peyda bolmasliqqa heqiqiy kapaletlik qilish lazim. 5-apetke uchrighan ammini ching tutup orunlashturup, éhtiyajliq chédirlarni baldurraq yötkesh. Maliyedin jiddiy qutquzush her tereplime toluqlimisini köpeytip, ammini özini ötkünchi orunlashturushqa ilhamlandurush kérek. 6-yer tewreshke taqabil turup, apettin qutquzushta, yerlikning bir tutash qomandanliqini gewdilendürüsh, armiye, yerliktiki küchlerning maslishishini kücheytish lazim. Gowuyüen xizmet guruppisining alaqidar mesulliri yerlikning yer tewreshke taqabil turup, apettin qutquzush ishlirigha qomandanliq qilishqa qatniship, her qaysi tarmaqlarni bir tutash maslashturup, apet bolghan jaylarning éhtiyajigha asasen, qollash küchini zoraytishi kérek. Li kéchyang apet bolghan jaylarning eshya kapalitige intayin köngül böldi. Shu küni kechte, u nahiyelik xelq ishliri idarisige bérip, ambargha kirip, apettin qutquzush eshyalirining zapisi, tarqitish qatarliq ehwallarni közdin kechürdi hem tizimlash, tarqitishqa mesul xizmetchilerdin hazir qaysi eshyaning eng kemlikini soridi. Xizmetchiler hazir yotqan-körpe, chédir, dora eng kem boluwatidu dédi. Li kéchyang mundaq dédi: biz eshya yötkesh küchini kücheytiwatimiz, choqum türlük amallar bilen yaridarlarni qutquzush we apetke uchrighan ammining asasiy turmush éhtiyajigha kapaletlik qilimiz. Xelq ishliri idarisining zali iane buyumlirini tapshuruwélishning waqitliq nuqtisi qilinghan idi. Bir qisim amma pul we eshya iane qiliwatatti, li kéchyang ularning himmitini mueyyenleshtürdi we rehmet éytti.

zungli li kéchyang 5-awghust chüshtin burun ludyen nahiyelik xelq doxturxanisigha bérip, yer tewreshte yarilanghanlar we tébbiy xadimlarni yoqlidi hem hal soridi. Li kéchyang yene késelxanilargha kirip, kariwatlarning yénigha bérip yarilanghan ammini yoqlidi we hal soridi. Li kéchyang ularni qeyser bolushqa ilhamlandurdi, ulargha xatirjem dawalinishni éytti. Li kéchyang yaridarlargha silerning doxturxanidin saqiyip chiqquche bolghan barliq dawalinish xirajitinglarni hökümet üstige alidu dédi. Li kéchyang doxturxanidin ayrilghandin kéyin ayropilan bilen qaytish sepirige atlinip, bu qétimqi yünnendiki yer tewrep apet bolghan jaylargha qilghan sepirini ayaghlashturdi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene