Bash bet>>Xewer Merkizi>>Muhim Xewerler
Élimiz qanun arqiliq idare qilishta yéngi basquchqa qedem qoydi
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2014-08-06

 

    Junggo uyghurche radiyo tori 6-awghust xewiri:

   Junggo kompartiyesi merkiziy komitéti siyasiy byurosi 29-iyul yighin échip, bu yil 10-ayda béyjingda partiye 18-nöwetlik merkiziy komitétining 4-omumiy yighinini échip, qanun arqiliq idare qilishni omumyüzlük ilgiri sürüshke munasiwetlik muhim mesililerni tetqiq qilishni qarar qildi. Bu partiyening omumiy yighinida döletni qanun arqiliq idare qilish asasiy taktikisini tunji qétim mexsus téma boyiche tetqiq qilish hésablinidu, junggoning döletni qanun arqiliq idare qilish qurulushida yéngi basquchqa kirgenlikidin dérek béridu. 9-iyul "xelq sot mehkimilirining 2014-yilidin 2018-yilighiche bolghan 4-besh yilliq islahat programmisi" élan qilindi, buningda sekkiz nuqtiliq sahe toghrisida 45 türlük islahat tedbiri otturigha qoyuldi.

    Yéqinda échilghan merkezning islahatni omumyüzlük chongqurlashturushqa rehberlik qilish guruppisining 3-yighinida, "edliye tüzülmisi islahati toghrisidiki bir qanche mesile heqqidiki ramka pikir", "shangxey shehirining edliye islahatini sinaq qilish layihesi", "bilim mülük hoquqi soti tesis qilish layihesi" maqullandi. Jemiyettikiler köngül böliwatqan, xelqning ümidi mujessemlengen edliye tüzülmisi islahati merkezning yuquri qatlamda turup layihelishi we yerlikning aldi bilen sinaq qilishi bilen bashlandi.

   Bash shuji shi jinping merkez islahatni omumyüzlük chongqurlashturushqa rehberlik qilish guruppisining 2-yighinida söz qilghanda: her qandaq zor islahatni yolgha qoyushta qanuni asas bolushi kérek dep, islahatning qanunchiliq yolida ilgiri sürilishige yönilish körsitip berdi.

   Memliketlik xelq qurultiyi daimiy komitétining bu yilqi xizmet doklatida maarip qanuni, muhit asrash qanuni, memuriy dewa qanunigha tüzitish kirgüzüsh, ashliq qanuni, mülük bahalash qanuni, dölet ordéni we dölet shan-sheripi bérish qanunini tüzüsh otturigha qoyulup, jemiyet yüksek köngül böliwatqan, islahatni omumyüzlük chongqurlashturushqa munasiwetlik qanunlarni chiqirish xizmiti küntertipke qoyuldi. Bu yil 3-ayda, gowuyüen jemiyetke her qaysi tarmaqlar saqlap qalghan memuriy testiq türliri tizimlikini élan qildi, tereqqiyat-islahat komitéti 26 memuriy testiq türini, maarip ministirliqi 24 memuriy testiq türini saqlap qalghan, merkez ishtat komitéti ishxanisining tor békitige qaraydighan bolsaq, bash bettila gowuyüenning her qaysi tarmaqlirining hoquq tizimlikini köreleymiz. Taratqular buni ulap tarqatmaqta, tor ehli yaxshi boldi, dep maxtimaqta.

   Béyjing uniwérsitétining proféssori jyang mingen munularni bildürdi: "partiye 18-nöwetlik merkiziy komitétining 3-omumiy yighinida qanun arqiliq idare qilish, qanun arqiliq hakimiyet yüzgüzüsh, qanun arqiliq memuriyet yürgüzüshni teng ilgiri sürüshte, döletni qanun arqiliq idare qilish, hökümetni qanun arqiliq idare qilish, jemiyetni qanun arqiliq idare qilishni bir gewdileshtürüsh qurulushida ching turush tekitlendi", hoquqluq organlarning qanun arqiliq idare qilishta ching turushi qanun arqiliq idare qilinidighan junggo berpa qilishni ilgiri sürüshning achquchi.

   Mutexessis, alimlar ziyaretni qobul qilghanda mundaq dep qaridi: junggoche sotsiyalistik qanun arqiliq idare qilinidighan dölet berpa qilish döletning qanun arqiliq idare qilish sistémisi we idare qilish iqtidarini zamaniwiylashturushning muqerrer tallishi, islahatni omumyüzlük chongqurlashturush wezipisini emeliyleshtürüsh, jungxua milletlirining ulugh güllinishidiki junggo  Arzusini ishqa ashurushning küchlük kapaliti. 

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene