Bash bet>>Xewer Merkizi>>Muhim Xewerler
Shi jinping shizanggha baridighan tashyolida qatnash bashlanghanliqining 60 yilliqi heqqide muhim yolyoruq berdi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-08-07

 

junggo uyghurche radiyo tori 7-awghust béyjing xewiri:

junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi shi jinping yéqinda sichüen-shizang, chingxey-shizang tashyolida qatnash bashlanghanliqining 60 yilliqi heqqide muhim yolyoruq bérip, ikki yol rohini yenimu nurlandurup, shizangning tereqqiyatigha türtke bolushni telep qildi. Shi jinping mundaq dep körsetti: bu yil-sichüen-shizang, chingxey-shizang tashyolida qatnash bashlanghanliqining 60 yilliqi. Bu ikki yolda qatnash bashlinishi-partiye rehberlikidiki yéngi junggo qolgha keltürgen muhim muweppeqiyet bolup, shizangning ijtimaiy tüzümde tarixiy halqishi, iqtisad, jemiyitining téz tereqqiyati, gherbiy jenub chégrasini mustehkemlesh, milletler ittipaqliqini ilgiri sürüshte intayin muhim rol oynidi.

shi jinping munularni tekitlidi: yéngi weziyette, ikki yol rohini dawamliq nurlandurup, ikki yolni yaxshi asrap, qatnashning rawanliqigha kapaletlik qilip, sichüen-shizang, chingxey-shizang tashyolini bashtin-axir milletler ittipaqliqi yoli, shizangning medeniyitini yükseldürüsh yoli, shizangdiki her millet qérindashlarning ortaq béyish yoligha aylandurush kérek. Atmish yildin buyan, dölet ilgiri-kéyin bolup toqquz milyard 700 milyon yüen meblegh sélip, sichüen-shizang, chingxey-shizang tashyolini keng kölemlik özgertti, tashyol qurulushchiliri we pen tetqiqat xizmetchiliri köp yilliq tong tupraqliq tashyol, köwrük qurulushi, asrash qatarliq nurghun téxnikiliq qiyin mesililerni hel qilip, ikki yolni pütünley qaramaylashturdi.

partiye we hökümet shizangning qatnash-tiransport ishlirining tereqqiyatigha intayin köngül bölüp, yöleshni özlüksiz kücheytip, ixtisasliqlar, téxnika, tür, meblegh qatarliq jehetlerdin nuqtiliq étibar bérip, shizangning qatnash-tiransport qiyapitide alemshumul özgirish yasidi. 2013-yilning axirighiche, shizangda qatnash bashlanghan tashyol musapisi 48 ming 678 kilométirgha yetti, moto tashyolida qatnash bashlinip, memliket boyiche eng axirqi tashyol tutashmighan bir nahiyening tashyol bolmasliq tarixigha xatime bérildi; Lasa ayrodurumi qurulup, shizang bilen ichki jaylarning hawa yoli tutashturuldi; Chingxey-shizang tömüryolida qatnash bashlinip, qarliq égizliktiki sama yoli zangzu perzentlirige bext élip keldi. Bügünki künde, lasani merkez qilghan chingxey-shizang tömüryoli, besh ayrodurum hem 20 dölet, ölke ghol tashyoli, 74 mexsus tashyol we nurghun yéza tashyoli shizanggha kirish tes bolushni tarixqa aylandurup, shizangdin chiqish tes bolush mesilisinimu hel qildi.

qatnash-tiransport ministirliqi partiye merkiziy komitétining shizang xizmiti heqqidiki fangjén-siyasetlirini estayidil, izchil emeliyleshtürüp, "shizangning qatnash-tiransportining ilmiy tereqqiyatini yenimu ilgiri sürüsh heqqidiki bir qanche pikir"ni tüzüp, shizangning qatnash-tiransportining halqima tereqqiyatini qollash küchini zoraytti, 2020-yilighiche, shizangning tashyol omumiy musapisini 110 ming kilométirgha, döletning 3-derijilik hem uningdin yuqiri tashyol nisbitini 65% ke yetküzüsh, nahiyeler tashyollirini qaramaylashturush, hemme kentke tashyol yetküzüsh; Ghol liniye tömüryol torini deslepki qedemde shekillendürüp, tömüryolning tijaret musapisini 1300 kilométirgha yetküzüsh; Ghol yol bilen tarmaq yol birleshtürülgen xelq awiyatsiye ayrodurum torini deslepki qedemde shekillendürüp, yoluchi toshush miqdarini yette milyon adem qétimgha yetküzüp, shizangning iqtisad, jemiyet tereqqiyati we zangzular rayonidiki xelqning béyip halliq sewiyege yétishige qatnash-tiransport kapaliti hazirlap bérishni aydinglashturdi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene