Bash bet>>Xewer Merkizi>>Muhim Xewerler
Élimizdiki 30 jayning ahaliler kirimi élan qilindi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-08-08

 

junggo uyghurche radiyo tori 8-awghust béyjing xewiri:

pütün memliketning her qaysi jaylirining aldinqi yérim yilliq ahaliler kirimi sanliq melumati yéqinda arqa-arqidin élan qilindi, 7-awghustqiche, xéylungjyangdin bashqa, pütün memlikettiki 30 ölke, aptonom rayon, merkezge biwasite qarashliq sheher aldinqi yérim yildiki sheher-bazar ahalilirining otturiche öz aldigha bir terep qilalaydighan kirimini élan qildi. Buning ichide, shangxeyning 24 ming 312 yüen bolup tizimlikning béshida turdi, shinjangning éshish kölimi memliket boyiche eng yuqiri boldi.

döletlik istatistika idarisining sanliq melumatidin ayan bolushiche, aldinqi yérim yilda pütün memliket sheher-bazar ahalilirining otturiche öz aldigha bir terep qilalaydighan kirimi 14 ming 959 yüen bolup, oxshash mezgildikidin 9.6% ashqan, baha amilini chiqiriwetkende 7.1% emeliy ashqan. Kirimning éshish kölimidin qarighanda, shinjang, chingxey, güyju, gensu, jilin, guangshi, lyawning, ichki mongghul qatarliq 16 jaydiki sheher-bazar ahalilirining otturiche öz aldigha bir terep qilalaydighan kirimining éshish kölimi pütün memliketning sewiyesidin éship ketken. Buning ichide, shinjangning éshish kölimi eng yuqiri bolup, 11.5% ke yetken, andin qalsa chingxeyning bolup, 11% ke yetken. Rayongha bölüp qarighanda, ottura, gherbiy rayonlardiki sheher-bazar ahalilirining otturiche öz aldigha bir terep qilalaydighan kirimining éshish kölimi sherqiy rayonningkidin omumyüzlük éship ketken. Éshish kölimi aldinqi on orunda turidighanlar ichide, ottura, gherbiy rayonlardiki jaylar mutleq köp sanni igiligen.

shangxey, béyjing, jéjyangdiki sheher-bazar ahalilirining otturiche öz aldigha bir terep qilalaydighan kirimi pütün memliketning otturiche sewiyesidin éship ketken. Buning ichide, shangxeydiki sheher-bazar ahalilirining otturiche öz aldigha bir terep qilalaydighan kirimi eng yuqiri bolup, 24 ming 312 yüenge yetken. Gensu ölkisidiki sheher-bazar ahalilirining otturiche öz aldigha bir terep qilalaydighan kirimi eng töwen bolup, 10 ming 260 yüen, shizangning arqidin sanighanda 2-bolup, 10 ming 386 yüen, chingxeyning arqidin sanighanda 3-bolup, 10 ming 479 yüen bolghan.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene