Bash bet>>Xewer Merkizi>>Muhim Xewerler
Élimizde iqtisadning aylinishi muqim bolmaqta
Tehrir:Qurbannisa jappar     Menbesi:Junggo uyghurche radiyo tori     Yollan'ghan waqit: 2014-08-14

 

junggo uyghurche radiyo tori 14-awghust béyjing xewiri:
     Döletlik istatistika idarisi tünügün élan qlighan sanliq melumatlarda körsitilishiche, 7-ayda memliket boyiche kölemlik sanaetning qoshulma qimmitining éshish süriti sel astilighan, aldinqi yette ayda muqim mülükke sélinghan mebleghning éshish süriti aldinqi yérim yildikidin töwenligen. Tehlilchiler: junggo iqtisadi muqim ayliniwatqan ehwalda, yene nurghun bésimgha duch kelmekte, muqim ashurush we qurulmini tengshesh wezipisi yenila müshkül, dep qaridi.
     Sanliq melumattin ayan bolishiche, 7-ayda kölemlik sanetning qoshulma qimmiti oxshash mezgildikidin 9% emeliy ashqan, emma éshish süriti 6-aydikidin 0.2 point asta bolghan; Memliket boyiche ijtimaiy istémal buyumlirining parche sétilish omumiy sommisi oxshash mezgildikidin namda 12.2% éship, éshish süriti 6-aydikidin 0.2 point astilighan. 1-aydin 7-ayghiche, memliket boyiche muqim mülükke sélinghan meblegh oxshash mezgilidikidin namda 17% ashqan, éshish süriti 1-aydin 6-ayghiche bolghan waqittikidin 0.3 point asta bolghan.
     7-aydiki sanliq melumatlargha qaraydighan bolsaq, pütkül iqtisad qisqa waqit ichide melum derijide töwenlep, omumiy jehettin muwapiq dairide bolidiken. Sanaet qoshulma qimmitining éshish süritining sel-pel töwenlishi normal hadise hésablinidiken, emma ötken yilining kéyinki yérimida asasiy san sel yuquri bolghachqa, bu yil kéyinki bir qanche ayda sanaet qoshulma qimmitining éshish süritining körinerlik éshishi tes iken.
     Omumiy jehettin qarighanda, hazir iqtisadni muqim ashurush siyasitining ünümi yenimu körülüshke bashlidi, iqtisadning muqim éshish weziyitini mölcherligili bolidu, emma iqtisadning töwenlesh bésimighimu, muqim éshishqimu sel qarashqa bolmaydu. Yérim yilda muqim ashurush üchün aldi bilen meblegh sélishni muqimlashturush kérek, buning muhim nuqtisi öy-mülük bazirini tengshep tizginlesh jehette ipadilinidu, shunga her qaysi sheherlerge türge bölüp siyaset yolgha qoyup, öy-mülük bazirining tipini özgertish, tengshesh, muqimlashturushqa küch chiqirip, otturihal deijide ilgiri sürüsh kérek. Istémal jehette, ishqa orunlashturushqa tiriship kapaletlik qilip, yasimichiliqning tipini özgertip, derijisini östürüsh arqa körünishi astida mulazimetchilikni rawajlandurup, ishqa orunlashturushni muqimlashturup we ish orunlirini köpeytip, ahalilar kirimining éshishigha kapaletlik qilish kérek, bu istémalni ashurushtiki eng muhim ish.
     Aldinqi bir mezgilde junggo iqtisadining éshish süritide sel dawalghush körüldi, hazir her qaysi tereplerning tirishchanliq körsitishi arqisida iqtisadni pütün yilda texminen 7.5% ashurush nishanini ishqa ashurushqa gep ketmeydu.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene