Bash bet>>Xewer Merkizi>>Muhim Xewerler
Shi jinping nenjingde yashlar olimpik tenheriket musabiqisige qatnishidighan junggo wekiller ömikini yoqlidi
Tehrir:Adil ablet     Menbesi:Junggo uyghurche radiyo tori     Yollan'ghan waqit: 2014-08-16

junggo uyghurche radiyo istansisi 16-awghust béyjing xewiri:

musabiqilishish dawamida yashliq arzuni qanatlandurup, olimpik rohining otluq héslirini taritayli! nenjingde 2-nöwetlik yazliq yashlar olimpik tenheriket musabiqisi murasimi ötküzülüsh peytide,15-awghust chüshtin kéyin junggo kompartiyisi merkiziy komitétining bash shujisi, dölet reisi, merkiziy herbiy ishlar komitétining reisi shi jinping nenjing yashlar olimpik kentige bérip, musabiqige qatnishidighan junggo wekiller ömikini semimiy yoqlidi. Hemde partiye merkiziy komitéti , gowuyüen, pütün memlikettiki her millet xelqige wakaliten barliq tenheriketchiler, trénérlar, xizmetchiler, pidaiylardin semimiy hal soridi we yaxshi tileklirini bildürdi. Yash ösmür tenheriketchilerning musabiqide yaxshi netijini qolgha keltürüshi, musabiqe yaxshi xislitini we zamanimizdiki junggo yash ösmürlirining xislitini namayan qilishigha tilekdashliq bildürdi.

15-awghust chüshtin kéyin junggo wekiller ömikining meshiq waqti. Walibol, chélishish, boks, rudawche chélishish qatarliq türlerge qatnishidighan tenheriketchiler musabiqidin ilgiriki meshiqni ching tutmaqta idi, tenheriket bilen shadliqtin ibaret yashliq hésliri tenheriket sariyini alahide tüske kirgüzgen idi.

saet 15 yérimde shi jinping bu yerge kélip ular bilen körüshti. U aldi bilen üch kishilik erler we ayallar waskétbol meshiq musabiqisini kördi. Shi jining xushal xuram köpchilik bilen körüshüp, tenheriketchilerning teyyarliq ehwalini soridi. Trénér jang yünsong waskétbol musabiqisige qatnishish ehwalini tonushturup, junggo komandisining bashqa yuqiri sewiyilik komandilardin öginip, tejribilerni yekünlep,her bir meydan musabiqini pütün küchi bilen yaxshi oynap, yaxshi ipade bilen barliq top mestanilirige yaxshi jawab qayturidighanliqini bildürdi.

meshiq sariyining yan teripide tenheriketchiler,chélishish,boks, rudawche chélishish qatarliq türler meshiqini qiliwatqan idi;Ular bash shuji kelgenlikini körüp, bash shujige meshiqtin alghan tesiratini sözlidi.

chélishish meydanida chélishish tenheriketchisi béy shéngru nahayiti keskin meshiq qiliwatqan idi.U bash shujige meshiq ehwalini tonushturdi. Shi jinping estayidil anglighandin kéyin, chélishish olimpik tenheriket musabiqisi qedimiy tenheriket türlirining biri. Junggoche chélishishning tarixi uzun. Shundaqla élimizning köpligen rayonliridiki kishiler yaxshi körüdighan tür. U tenheriketchilerge özini yaxshi qoghdap, yarilinishtin saqlinishini tapilidi.Shi jinping yene yénik atlétika,rudawche chélishish,boks tenheriketchiliri bilen körüshti.

shi jinping munularni tekitlidi: ösmürler, yashlar küchlük bolsa,junggo qudret tapidu. Ösmürler, yashlarning küchlük bolushi idiyiwi pezilet, öginish netijisi,yéngiliq yaritishchanliq, mahirliq hemde ten saghlamliqni öz ichige alghan tenterbiye rohini öz ichige alidu.Silerning bu nöwetlik musabiqide yaxshi ipadenglerni namayan qilip, pütün memlikettiki barliq yash ösmürlerni tenterbiye chéniqishqa yéteklep öginishnimu,tenterbiyinimu yaxshi élip bérip, exlaqiy eqliy jismaniy jehette teng yétilip, wetinimiz qurulushining yaramliq izbasarliridin bolushinglarni ümid qilimen.Shi jinping junggo tenterbiye wekili ömikining ezaliri bilen xatire süretke chüshti.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene