Bash bet>>Xewer Merkizi>>Muhim Xewerler
2-nöwetlik yazliq yashlar olimpik tenheriket musabiqisi daghdughuluq bashlandi
Tehrir:Küntékin imam     Menbesi:Junggo uyghurche radiyo tori     Yollan'ghan waqit: 2014-08-17

 

junggo uyghurche radiyo tori 17-awghust béyjing xewiri:

2-nöwetlik yazliq yashlar olimpik tenheriket musabiqisi tünügün kechte nenjingda daghdughuluq bashlandi. Dölet reisi shi jinping échilish murasimigha qatnashti hemde tenheriket musabiqisining bashlanghanliqini jakarlidi. Kech saet 7din 58 minut ötkende, shi jinping we repiqisi ping liyüen, xelqara olimpik komitétining reisi tomas bax we repiqisi qatarliqlar reis sehnisige chiqip, tamashibinlargha hörmet bildürdi. Pütün meydanda qizghin chawak awazi yangridi. Neq meydandiki tamashibinlar chong ékranda chiqip turghan tetür sanaqqa egiship 10din birgiche tetür sanidi, meydanda qizghin alqish sadaliri yangrishi bilen renggareng saliyotlar étildi. Nenjing yashlar olimpik tenheriket musabqisi resmiy bashlandi. Kech saet 8din 5 minut ötkende, meydangha kirish murasimi bashlandi, 203 dölet we rayonning olimpik komitétining bayriqi we musteqil olimpik tenheriketchiliri meydangha kiridi, neq meydandiki tamashibilar qizghin alqish yangritip, ularni qarshi aldi. Sahibxan junggoning wekiller ömiki eng axirida kirdi, shi jinping ornidin turup qol pilanglitip, éhtiram bildürdi, pütün meydanda qizghin chawak awazi üzülmidi. Junggo wekiller ömikide jemiy 180 adem bar bolup, bu nöwetlik yashlar olimpik tenheriket musabiqisigha qatnashqan tenheriketchiliri eng köp wekiller ömiki hésablinidu.

jyangsu ölkisining bashliqi, nenjing yashlar olimpik teshkili komitétining reisi li shö yung, xelqara olimpik komitétining reisi bax ilgiri kéyin bolup söz qildi, bax junggo hökümiti, jyangsu ölkisi, nenjing shehirining bu nöwetlik yashlar olimpik tenheriket musabiqisige estayidil teyyarliq qilghanliqigha rehmet éytti, tenheriketchilerning yashlargha mensup bolghan bu katta olimpik murasimidin qanghuche behrilinishini ümid qildi.

kech saet 8din 51 minut ötkende, shi jinping "2-nöwetlik nenjing yashlar olimpik tenheriket musabiqisining resmiy bashlanghanliqini jakarlidi". Arqidin chong tiptiki edebiyat senet oyuni bashlandi. Kech saet 9din 49 minut ötkende asasliq meshelni yandursh murasimi bashlandi. Jyangsuluq tenheriketchi chin rolin yetküzüsh supisigha chiqip, meshel bilen asman golbosini tutashturdi, lawuldap turghan asman golbosi aqar yultuzdek bash meshel supisigha qarap uchti, yashlar olimpik tenheriket musabiqisining muqeddes oti lawuldap yandi. Kelgüsi 12 künde, 5 qitedin kelgen 3700din artuq yash tenheriketchi musabiqe meydanida özige jeng élan qilidu, keng dost tutidu.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene