Bash bet>>Xewer Merkizi>>Muhim Xewerler
Shi jinping 2-nöwetlik yazliq yashlar olimpik tenheriket musabiqisining échilish murasimigha qatnashqili kelgen xelqaradiki éziz méhmanlarni qarshi aldi
Tehrir:Küntékin imam     Menbesi:Junggo uyghurche radiyo tori     Yollan'ghan waqit: 2014-08-17

 

junggo uyghurche radiyo tori 17-awghust béyjing xewiri:

tünügün dölet reisi shi jinping nenjingda ziyapet ötküzüp, 2-nöwetlik yazliq yashlar olimpik tenheriket musabiqisining échilish murasimigha qatnashqili kelgen xelqaradiki éziz méhmanlarni qarshi aldi. Shi jinping söz qilip munularni tekitlidi: yashlar olimpik tenheriket musabiqisi tenheriket maharitini namayet qilidighan we tenheriketchiler öz ara riqabetlishidighan musabiqe bolupla qalmastin, medeniyet almashturushini ilgiri süridighan muhim sehne, dunyadiki yashlargha tewe bolghan katta murasim. Yashlar olimpik tenheriket musabiqisige qatnashqan her bir yash chüshinishni chongqurlashturidighan, dostluqni teshwiq qilidighan, hemkarliqni ilgiri süridighan olimpik elchisige, tinchliq elchisige, dostluq elchisige aylinidu. Bu her qaysi döletlerning dostluq alaqisidiki el rayi asasini heqiqiy puxtilaydu, menggü tinch, ortaq güllindighan inaq dunya qurushni ilgiri süridu.

shi jinping junggo hökümiti we xelqige wakaliten her bir méhmanning nenjing yashlar olimpik tenheriket musabiqisining échilish murasimigha qatnashqili kelgenlikini qizghin qarshi aldi. Xelqara olimpik komitéti we xelqara olimpik chong ailisi shundaqla her qaysi döletlerning hökümetliri we xelqning qollighanliqi, yardem bergenlikige semimiy rehmet éytti.

shi jinping munularni tekitlidi: tinchliq, tereqqiyat, hemkarliq, ortaq ghelbe qilish her qaysi dölet xelqining ortaq arzusi. Junggo xelqi jungxua milletlirining ulugh güllinishidiki junggo arzusini ishqa ashurush üchün boshashmay tirishiwatidu. Tenterbiye xelqning saghlamliq sewiyesini östüridighan muhim waste, junggo arzusini ishqa ashurushning muhim mezmuni, tenterbiye jungxua milletlirining ulugh güllinishini ishqa ashurushqa qeliblerni tutashturidighan küchlük rohi küch ata qilidu. Nenjing yashlar olimpik tenheriket musabiqisi junggodiki yashlarning pursiti bolupla qalmastin dunyadiki yashlarningmu pursiti. Nenjing dunyagha ésil, hayati küchke tolghan, junggoche alahidilikke ige yashlar murasimini ata qilidu.

xelqara olimpik komitétining reisi bax sözide munularni bildürdi: 2008-yili béyjing tengdashsiz olimpik musabiqisi ötküzgen idi. 6 yildin kéyinki bügünki künde junggo yene yashlar olimpik tenheriket musabiqisini ötküziwatidu. Xelqara olimpik komitéti junggoning olimpik tenherikitini zor küch bilen qollighanliqigha rehmet éytidu, junggoning tenterbiye ishlirida zor netijilerge érishishini tileymen, junggoning dunya tenterbiy sehniside muhim rol oynawatqanliqini quwwetleymen, nenjing yashlar olimpik tenheriket musabiqisining ghelbilik bolushini, junggoning tinch bolushini, tereqqiy qilishini, güllinishini tileymen.

qarshi élish ziyapitidin burun, shi jinping bilen ping liyüen xelqara olimpik komitétidiki eziz méhmanlar bilen körüshti.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene