Bash bet>>Xewer Merkizi>>Muhim Xewerler
Merkiziy komitét islahatni omumyüzlük chongqurlashturushqa rehberlik qilish guruppisi yighini échildi
Tehrir:Adil ablet     Menbesi:Junggo uyghurche radiyo tori     Yollan'ghan waqit: 2014-08-19

junggo uyghurche radiyo tori 19-awghust béyjing xewiri:

junggo kompartiyisi merkiziy komitétining bash shujisi, dölet reisi, merkiziy herbiy ishlar komitétining reisi , merkiziy komitét islahatni omumyüzlük chongqurlashturushqa rehberlik qilish guruppisining bashliqi shi jinping 18-awghust chüshtin burun merkiziy komitét islahatni omumyüzlük chongqurlashturushqa rehberlik qilish guruppisining 4-qétimliq yighinini riyasetchilik qilip achti hemde muhim söz qildi.

junggo kompartiyisi merkiziy komitéti siyasiy byurosi daimiy komitétining ezasi,merkiziy komitét islahatni omumyüzlük chongqurlashturushqa rehberlik qilish guruppisining muawin bashliqi li kéchyang,lyu yünshen, jang gawlilar yighingha qatnashti.

yighinda merkez karxaniliri asasliq mesullirining ish heqqi tüzümi islahati layihisi, merkez karxaniliri mesullirining teminati, kespiy chiqimini muwapiq békitish hemde qattiq qéliplashturush , imtihan arqiliq qobul qilish tüzümi islahatini chongqur yolgha qoyush toghrisidiki pikir qarap chiqip maqullandi. Hemde yighinda muzakire qilinghan ehwallargha asasen yenimu tüzütüp mukemmelleshtürgendin kéyin tertip boyiche türkümge bölüp yolgha qoyulsa dep teklip bérildi.

yighinda eneniwi tartqular bilen yéngidin güllengen taratqularning birikme tereqqiyatigha türtke bolush toghrisidiki yétekchi pikir, partiye 18-nöwetlik merkiziy komitéti 3-omumiy yighinidiki muhim islahat tedbirlirini yolgha qoyushning 2014-yilidin 2020-yilighiche bolghan pilani, aldinqi yérim yilliq islahatni omumyüzlük chongqurlashturush xizmitining ilgirilesh ehwali toghrisidiki doklati yighinda qarap chiqip maqullandi.

yighinda islahat xizmiti yekünlendi. Islahat weziyiti tehlil qilindi, kéyinki basquchluq xizmetler orunlashturuldi.Shi jinping mundaq dep körsetti:dölet karxaniliri bolupmu merkez karxaniliri dölet bixeterliki we xelq igilikining jan tomurigha munasiwetlik muhim we achquchluq sahelerde yétekchilik rolgha ige.Xelq igilikining muhim tüwrüki . Partiyimizning hakimiyet yürgüzüsh we élimizning sotsiyalistik dölet hakimiyitining iqtisadi asasidimu tüwrüklük rolgha ige. Shunga choqum yaxshi tutush lazim.

shi jinping munularni tekitlidi: merkez karxaniliri mesullirining xizmet teminati kespi chiqimini muwapiq békitish hemde qattiq qéliplashturush istil özgertishni chongqurlashturush, töt natoghra istilge qarshi turushni chongqurlashturush bolup hésablinidu. Dölet karxaniliri merkezning sekkiz belgilimisining rohini izchil emeliyleshtürüsh,téjeshlik bolup israpchiliqqa qarishi turush ülgisi bolush lazim.

shi jinping mundaq dep körsetti: imtihan arqiliq qobul qilish tüzümi döletning asasiy maarip tüzümi . Omumiy jehettin qarighanda élimizning imtihan arqiliq qobul qilish tüzümi dölet ehwaligha uyghun kélidu, shundaqla qismen mesililermu mewjut. Islahatni chongqurlashturush arqiliq, maarip adilliqini ilgiri sürüsh, ixtisasliqlarni tallap östürüsh sewiyisini yuqirilitish, exlaqiy eqliy jismaniy güzellik jehettin teng yétilgen sotsiyalizm qurghuchiliri we izbasarlirini terbiyilesh telipige uyghunlishish lazim.

shi jinping mundaq dep körsetti:eneniwi taratqular bilen yéngidin güllengen taratqularning birikme tereqqiyatigha türtke bolup, axbarat tarqitish qanuniyiti we yéngidin güllengen taratqularning tereqqiyat qanuniyitige emel qilip, bir türküm shekli köp xil, wasitisi ilghar, riqabet küchige ige yéngi asasliq taratqularni tiriship meydangha keltürüsh lazim.

shi jinping mundaq dep körsetti: partiye 18-nöwetlik merkiziy komitéti 3-omumiy yighinining muhim islahat tedbirlirini yolgha qoyushning 2014-yilidin 2020-yilighiche bolghan pilanida kelgüsidiki yette yilliq islahatni yolgha qoyush xizmiti omumyüzlük orunlashturuldi.Merkezning alaqidar tarmaqliri pilanni yolgha qoyush xizmitini estayidil teshkillep yaxshi yolgha qoyush kérek. Munasiwetlik islahatlarni bir tutash pilanlap we biriktürüp, islahatning ilgirilishini muwapiq orunlashturup, islahat muweppeqiyetlirini tepsiliyleshtürüp, islahat bilen munasiwetlik qanunlarni tüzüsh , özgertish , bikar qilish munasiwitini yaxshi bir terep qilip, yolgha qoyush dawamidiki ziddiyetlik mesililerni waqtida hel qilip, islahat wezipisini yaxshi ishleshke tirishchanliq körsitish lazim.

shi jinping mundaq dep körsetti: ching tutup emeliyleshtürüsh kéyinki basquchtiki xizmetlerni yaxshi ishleshning achquchi. Layihini yolgha qoyushta ching tutup emeliyleshtürüp, gewdilik mesililer we achquchluq halqilarni ching tutup, tüzülme méxanizmidiki chigish mesililerni tépip chiqip, hel qilish layihisini otturigha qoyup, muhim islahat layihisini tüzüshte süpetke heqiqiy kapaletlik qilish lazim. Yolgha qoyush herikiti, tekshürüshke heydekchilik qilish, islahat muweppeqiyetliri,teshwiqat yétekchilikide emeliyleshtürüshni ching tutup, partiye 18-nöwetlik merkiziy komitéti 3-omumiy yighinning rohini teshwiq qilish yétekchilikini dawamliq zoraytish, islahat yéngi ilgirileshliri we yéngi muweppeqiyetlirini paal teshwiq qilish lazim.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene