Bash bet>>Xewer Merkizi>>Muhim Xewerler
Li kéchyang gowuyüenning daimiy ishlar yighinini riyasetchilik qilip achti
Tehrir:Élnure rehimbeg     Menbesi:Junggo uyghurche radiyo tori     Yollan'ghan waqit: 2014-08-21

junggo uyghurche radiyo istansisi 21-awghust béyjing xewiri:

gowuyüen zunglisi li kéchyang ülüshkün gowuyüenning daimiy ishlar yighinini riyasetchilik qilip achti, yighinida yünnen ludyendiki yer tewresh apitige taqabil turush apettin qutquzush xizmitining eng yéngi ehwali toghrisidiki dokilat anglap ötüldi, eslige keltürüsh, qayta qurush qatarliq xizmetler muzakire qilip orunlashturuldi, yenimu ilgirligen halda organlarni ixchamlap hoquqni töwenge chüshürüsh tedbirlirini tüzüp chiqip, islahatning ünümini dawamliq kéngeytip, pen téxnika mulazimetchilikini orunlashturup we tézlitip, yéngiliq yaritish arqiliq türtke bolushni puxta asas bilen teminlesh qarar qilindi.

yighinda munular qarar qildi: her qaysi tarmaqlar özlirining hoquq tizimlikini ashkarilap, jemiyette bahalash asasida, ammining ümidige masliship, memuriy jehettin qarap chiqip testiqlash tüzümi islahatining yéngi tedbirlirini qaratmiliqqa ige halda tüzüp chiqishi kérek. Birinchi, karxanilarning meblegh sélish tijaritige qolayliq yaritip, roli zor bolghan 87  Qarap chiqip testiqlash türini yene emeldin qaldurush we töwenge chüshürüp bérish, buning ichide 68 türni emeldin qaldurush, emeldin qaldurushqa bolidighanlirini amalning bariche emeldin qaldurup, töwenge chüshürmeslik, mesile qélip qélishtin saqlinish kérek. Shuning bilen bir waqitta memuriy ijazettin bashqa qarap chiqip testiqlash türini tézraq üzül késil emeldin qaldurush lazim. Ikkinchi,ijazet ölchimini töwenlitish, payda tapidighan dawalash apparatlirini tesis qilishni qarap chiqip testiqlash, kütinish apparatlirini tesis qilishqa ijazet bérish qatarliq soda sanaetni memuriy bashqurush tarmiqida tizimge aldurushtin burun qarap chiqip testiqlinidighan 90 türni kéyin qarap chiqip testiqlash türige özgertip, aldi bilen guwahname bérip kéyin ispatlap, qarap chiqish jeryanida we qarap chiqqqandin kéyin nazaret qilip bashqurushni kücheytish kérek. Üchinchi, karxanilarning yükini yéniklitip, bahalap ölchemge yetkenlirini teqdirlesh türidin yene 19 ini emeldin qaldurush hemde éniqlash küchini yenimu ashurup, münderije bashqurush tüzümini ornitish kérek, münderijige kirgüzülgen türlerni birdek yolgha qoyushqa bolmaydu. Tötinchi,  Bir türküm tarmaq we kesipiy jemiyetler özliri tesis qilghan, kesipchanliqi küchlük bolmighan, qanun belgilime asasi yétersiz bolghan kesipiy salahiyet ijaziti we ispat türlirini emeldin qaldurup, ishqa orunlishish, igilik tiklesh we yéngiliq yaritishta  Nurghun "guwahname" telep qilishni özgertip, türlük ixtisasliqlarning pütün wujudi bilen tirishishigha imkaniyet yaritish kérek. Yighinda munular tekitlendi: islahat xizmitini bir tutash pilanlap maslashturushni kücheytip, qoyuwétish bilen bir waqitta ish jeryanida, ishtin kéyin nazaret qilip bashqurushta küchep yéngiliq yaritip, adil qanunchiliq bazar riqabiti muhitini yaritip, hökümetning ada qilishqa tégishlik wezipisini ada qilghuzup, organlarni ixchamlap hoquqni töwenge chüshürüsh qatarliq islahatlarni bazarning hayati küchini dawamliq urghutidighan, bazar muhitini serxillashturidighan uzaq ünümlük méxanizimgha aylandurush kérek.

yighinda mundaq dep hisablandi: pen téxnika mulazimetchilikini tereqqiy qildurush-qurulmini tengshesh, muqim éshish we ünümni östürüsh, pen téxnika bilen iqtisadni chongqur birleshtürüshni ilgiri sürüshtiki muhim tedbir, pen téxnikida yéngiliq yaritish arqiliq kesipning derijisini östürüshke bashlamchi bolush, iqtisadning ottura we yuqiri sewiyege yüksilishini ilgiri sürüshtiki kem bolsa bolmaydighan muhim bir halqa.  Tetqiq qilip échish wastichiliqi,   Téxnikini yötkesh, igilik tikleshke ündesh, bilim mülük hoquqi qatarliq sahelerni muhim nuqta qilip, achquchluq halqilarda küch chiqirip, islahatni chongqurlashturup, bazar yönilishide ching turup, pen téxnika mulazimetchilikining tereqqiy qilip qudret tépishini ilgiri sürüsh kérek.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene