Bash bet>>Xewer Merkizi>>Muhim Xewerler
Shi jinping ulanbatur shehirige bérip nadam paaliyitini kördi
Tehrir:Adil ablet     Menbesi:Junggo uyghurche radiyo tori     Yollan'ghan waqit: 2014-08-23

junggo uyghurche radiyo istansisi 23-awghust béyjing xewiri:

dölet reisi shi jinping 22-awghust mongghuliye zongtungi ilbék dorjining hemrahliqida ulanbatur shehirige bérip nadam paaliyitini kördi. Shi jinpingning mashina kaloni mongghul atliq eskerlerning muhapiziti arqisida nadam paaliyiti ötküzilidighan meydangha yétip bardi. Shi jinping, repiqisi péng liyüen zongtung ilbék dorji bilen repiqisining qizghin qarshi élishigha érishti. Ikki dölet bashliqliri repiqiliri bilen birlikte chédir bargahidin orun aldi.

nadam mongghullarning eneniwi naxsha küyi "alemdiki quyash" bilen bashlandi. Mongghul tilida shadliq yaki oyun dégen menide. Bu charwichilarning her yili yaz küz pesilliride mol hosul élishni tebriklesh,hawa obdan bolushini tilesh eneniwi yighilish paaliyiti. Kichik tiptiki nadam mongghullarning eziz méhmanlarni alahide kütüsh bayrimi bolup chélishish, beyge, qargha étish eneniwiy tenheriket paaliyiti ötküzülidu.

meydanda yashliqi urghup turghan qiz yigitler mongghulche usul oynidi.Jesur chélishish mahirliri heywe bilen meydangha kirip özlirining maharitini körsitishke bashlidi. Chebdes chewendazlar beygige chüshüp at üstidiki milletning qizghin méhri muhebbitini namayan qildi. Qargha étish mahirliri teminkinlik bilen nishangha köz tikti. Shi jinping qargha étish mahirlirining yinigha bérip ular bilen semimiy söhbetleshti. Ilbik dorji bilen repiqisi shi jinping bilen repiqisi ping liyüenni musabiqide ghelbe qilghuchilargha mukapat tarqitip bérishke teklip qildi.

ilbék dorji shi jinping we uning repiqisi péng liyüenge ikki mongghul éti sowgha qildi. Shi jinping yerlikning örp aditi boyiche atning boynigha kök xada artip qoydi hemde atlargha altay , qulun dep isim qoydi.

mongghuliye herbiy orkéstir artisliri mongghulche naxsha muzikilarni éytti.Naxsha muzika sadaliri we usul ewjige chiqip, junggo bilen mongghuliyening ebediy dost ötishige tilekdashliq bildürüldi.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene