Bash bet>>Xewer Merkizi>>Muhim Xewerler
Shi jinping zimbabuwi zungtungi mugabi bilen söhbetleshti
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-08-26

 

junggo uyghurche radiyo tori 26-awghust béyjing xewiri:

dölet reisi shi jinping 25-awghust xelq sariyida zimbabuwi zungtungi mugabi bilen söhbetleshti. Shi jinping junggo bilen zimbabuwining eneniwi dostluqi we mugabining ikki dölet munasiwitining tereqqiyatigha qoshqan muhim töhpisige yuqiri baha berdi hem munularni tekitlidi: junggo xelqi dostluqni qedirleydu, biz éghir künlerde bille bolghan, öz ara chüshinip qollashqan qedinas dostlarni menggü untup qalmaymiz. Junggo zimbabuwi bilen birlikte, eneniwi dostluqni jari qildurup, her qaysi sahelerdiki hemkarliqni kücheytip, öz ara barawer muamile qilidighan, öz ara qollaydighan, öz ara nep yetküzidighan, ortaq tereqqiy qilidighan yaxshi dost, yaxshi shérik, yaxshi qérindashlardin bolushni xalaydu.

shi jinping munularni tekitlidi: junggo pirinsipta dawamliq ching turup, heqqaniyetni yaqlaydu, zimbabuwining döletning igiliki hoquqi, bixeterliki, tereqqiyat menpeetini qoghdishini qetiy qollaydu, zimbabuwi xelqning öz ishlirini yaxshi bir terep qilidighan parasiti we iqtidarining barliqigha ishinidu. Ikki terep yuqiri qatlam alaqisini saqlap, partiyeler munasiwiti we döletni idare qilish, hakimiyet yürgüzüsh, islahat, échiwétish tejribilirini almashturushni kücheytishi kérek. Junggo zimbabuwining iqtisadni tereqqiy qildurush, xelq turmushini yaxshilashtiki térishchanliqini qollaydu, zimbabuwigha dawamliq qurulush ixtisasliqlirini terbiyelep béridu, zimbabuwi bilen öz ara nep yetküzidighan hemkarliq endizisi we meblegh yürüshtürüsh yolliri üstide izdinip, yéza igilikke muwapiq kélidighan téxnikilarni yetküzidu we ötünüp béridu, zimbabuwining ashliq mehsulati we yéza igilik kirimini ashurushigha yardem béridu. Junggo zimbabuwining iqtisadiy alahide rayon, sanaet baghchisi qurulushigha qatniship, ul eslihe qurulushi, kanchiliq, yasimichiliq qatarliq sahelerdiki hemkarliqigha türtke bolushni xalaydu, téximu köp junggo karxanilirining zimbabuwigha bérip meblegh sélishigha ilham béridu.

mugabi mundaq dédi: zimbabuwi hazir iqtisadiy tereqqiyatni tézlitish, yéza igilik, sanaet, kanchiliq, ul eslihe qurulushining sewiyesini östürüp, xelqqe téximu köp maarip we sehiye sharaiti hazirlap bérishke térishiwatidu, junggo bilen bolghan hemkarliqni kücheytip, ikki dölet munasiwitining yéngi mezgildiki özlüksiz tereqqiyatigha türtke bolushni ümid qilidu. Zimbabuwi junggoning xelqara ishlarda adil bolghanliqigha rehmet éytidu, junggoning afriqini hörmetlep, afriqigha barawer muamile qilip, afriqa döletlirining öz tereqqiyat iqtidarini östürüshige heqiqiy yardem bergenlikige apirin oquydu, junggo bilen afriqa-junggo munasiwitining tereqqiyatini birlikte ilgiri sürüshni xalaydu.

söhbettin kéyin, ikki dölet bashliqliri ikki dölet hökümetlirining iqtisad-téxnika hemkarliq kélishimi we ashliq, meblegh yürüshtürüsh, sayahet qatarliq sahelerdiki hemkarliq höjjetlirini imzalash murasimigha birlikte shahit boldi.

söhbettin ilgiri, shi jinping xelq sariyining sherqiy derwazisi aldidiki meydanda mugabining sheripige qarshi élish murasimi ötküzdi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene