Bash bet>>Xewer Merkizi>>Muhim Xewerler
Shi jinping junggo-yawropa aliy adimiyet sözlishish yighinigha tebrik xéti ewetti
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-09-07

 

junggo uyghurche radiyo tori 7-séntebir béyjing xewiri:

junggo-yawropa aliy adimiyet almashturush sözlishishi méxanizmining 2-qétimliq yighini 6-séntebir béyjingda échildi. Dölet reisi shi jinping yighingha tebrik xéti ewetti, yawropa kéngishining reisi wan rumpiy bilen yawropa ittipaqi komitétining reisi barroso birlikte tebrik xéti ewetti.

shi jinping yighinning échilghanliqini tebriklidi. U mundaq dep körsetti: junggo bilen yawropa-dunyadiki ikki muhim küch. Junggo-yawropa munasiwiti-dunyadiki eng muhim ikki tereplik munasiwetlerning biri. Iqtisad yer sharilishiwatqan, dunya köp qutupliship chongqur tereqqiy qiliwatqan bügünki künde, junggo-yawropa munasiwitining istratégiyelik xaraktéri özlüksiz ösüp, yer sharida barghanséri muhim tesirge ige bolmaqta. Junggo-yawropa aliy adimiyet almashturush sözlishishi-junggo bilen yawropaning tinchliq, ashurush, islahat, medeniyettin ibaret töt chong shériklik munasiwitide muhim ehmiyetke ige.

shi jinping mundaq dédi: junggo bilen yawropaning adimiyet almashturushini kéngeytish-öz ara chüshinishni chongqurlashturush, jemiyetning güllinishini ilgiri sürüsh, öz ara nep yetküzidighan hemkarliqni özlüksiz chongqurlashturushtiki junggo bilen yawropaning omumyüzlük istratégiyelik shériklik munasiwitide intayin muhim. Maarip, pen-téxnika, medeniyet, taratqu, yashlar we bu yil yéngidin köpeygen ayallar sahesidiki almashturush-junggo-yawropa almashturush hemkarliqining yarqin nuqtisigha aylanmaqta. Men ikki terepning adimiyet almashturushini chongqurlashturup, öz ara chüshinish we ishinishni kücheytish arqiliq, junggo-yawropa munasiwitining uzun muddet muqim, saghlam rawajlinishigha keng ijtimaiy asas sélishini ümid qilimen.

wan rumpiy bilen barroso tebrik xétide mundaq dédi: adimiyet almashturushi-yawropa-junggo istratégiyelik hemkarliq musapiside barghanséri muhim rol oynimaqta, méxanizm ornitilghandin buyan, ikki terep bir yürüsh hemkarliq höjjetliri arqiliq, yawropa bilen junggoning her qaysi saheliridiki xelq arisidiki munasiwetni qoyuqlashturdi, biz yawropa-junggo xelqi arisidiki alaqining özlüksiz chongqurlishidighanliqi we kéngiyidighanliqigha qetiy ishinimiz.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene