Bash bet>>Xewer Merkizi>>Muhim Xewerler
Reis shi jinping zungtung raxman ötküzgen kechlik ziyapetke qatnashti
Tehrir:Iminjan ismail     Menbesi:Junggo uyghurche radiyo tori     Yollan'ghan waqit: 2014-09-13

junggo uyghurche radiyo tori 13-séntebir béyjing Xewiri:

dölet reisi shi jinping 12-may tajikistan zungtungi raxman ötküzgen aile ziyapitige qatnashti, ikki dölet bashliqi yéqin xushal keypiyatta paranglashti, dostluq, hemkarliq üstide toxtaldi, ikki tereplik munasiwetni rawajlandurush we ortaq köngül bölidighan mesililer toghrisida chongqur pikir almashturdi.

shi jinping bilen uning repiqisi péng liyüen zungtung mehkimisige yétip barghanda, raxman bilen uning repiqisi katta kiyinip ailisidikiler bilen ularni ishik aldida kütüp turghan idi. Raxman shi jinping we uning repiqisige özining perzentliri tonushturdi, shi jinping we uning repiqisi ular bilen birmu-bir qol éliship körüshti. Shi jinping mundaq dédi: üch ewlad qérindash bolsa junggoda bext hésablinidu. Silerning ailenglarning bextlik bolushini tileymen, méhman bilen sahibxan mangghach paranglashti.

shi jinping mundaq dédi: bu méning tunji qétim tajikistanda ziyarette bolushum. Men düshenbining hayati küchke tolghanliqi, tereqqiyatining tézliqini kördüm, tajikistan xelqi addiy-sadda, dostane iken, méhmanlargha qizghin muamile qilidiken. Biz dost qoshna bolush süpitimiz bilen tajikistanning dölet qurulushida qolgha keltürgen muweppeqiyetliridin xoshalmiz. Ishinimenki méning bu qétimqi ziyaritim men siz bilen ilgiri hasil qilghan yaxshi xizmet munasiwitini chongqurlashturidu. Men siz bilen birge ikki dölet hemkarliqini pilanlap, ikki döletning istratégiyelik shériklik munasiwitining yéngi basquchqa kirishige türtke bolushni xalaymen.

raxman mundaq dédi: junggo bizning yaxshi qoshnimiz, yaxshi shérikimiz, tajikistan hökümiti we xelqi junggoning uzundin buyan qollap we yardem bérip kelgenlikige rehmet éytidu, ikki döletning eneniwiy dostluqini qedirleydu. Tajikistan xelqi sizning ziyaritingizni qizghin qarshi alidu. Ishinimenki bu qétimqi ziyaret bir qétimliq tarixiy ziyaret bolidu. Choqum ikki tereplik munasiwetning tereqqiyatini küchlük ilgiri sürüp, ikki dölet we ikki dölet xelqige nep yetküzidu.

kechlik ziyapettin kéyin, raxman we uning repiqisi shi jinping we uning repiqisini tajikistan dölet méhmanxanisigha teklip qildi, ikki dölet bashliqi yene bir qétim ikki dölet munasiwitining tereqqiyati toghrisida pikir almashturdi.

12-séntebir chüshtin burun, reis shi jinping we uning repiqisi péng liyüen tajikistanning muawin zunglisi jabolining hemrahliqida, tajikistan muzika institutini ékskursiye qildi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene