Bash bet>>Xewer Merkizi>>Muhim Xewerler
Shi jinping tajikistan zongtungi raxman bilen söhbetleshti
Tehrir:Adil ablet     Menbesi:Junggo uyghurche radiyo tori     Yollan'ghan waqit: 2014-09-14

junggo uyghurche radiyo tori 13-séntebir béyjing xewiri:

dölet reisi shi jinping 13-séntebir düshenbide tajikistan zongtungi raxman bilen söhbetleshti. Ikki dölet rehbiri emeliy hemkarliqni omumyüzlük kücheytishni birdek qarar qildi. Söhbet bashlinishtin ilgiri raxman milletler sariyining aldidiki meydanda shi jinpingni qarshi élish murasimi ötküzdi. Shi jinping raxmanning hemrahliqida hörmet qarawulini közdin kechürdi. Arqidin ikki dölet rehberliri söhbetleshti. Shi jinping mundaq dep körsetti: junggo bilen tajikistanning munasiwiti junggoning etrap diplomatiyisining muhim bir halqisi. Ikki terep yuqiri qatlam alaqisini saqlap, hökümet tarmaqliri , qanun chiqirish apparatliri, partiyiler qatarliq her qaysi qatlam alaqisini kücheytish kérek. Ikki terep néfit , tebiiy gaz , éléktr quwwiti, iqtisad soda , qatnash ul esliheliri qatarliq sahelerdiki hemkarliqini kücheytish lazim.

raxman munularni bildürdi: üch xil küch tajikistan bilen junggo yoluquwatqan ortaq tehdit. Ikki dölet bixeterlik qanun ijrasi we modapie hemkarliqini kücheytip, birleshme heriket qollinip, chégraning muqimliqigha heqiqiy kapaletlik qilish lazim .Tajikistan yipek yoli iqtisad belbéghi qurulushigha paal qatniship, ikki döletning adimiyet almashturushini kücheytishni ümid qilidu.

söhbettin kéyin shi jinping bilen raxman junggo bilen tajikistanning istratégiyilik shériklik munasiwitini yenimu rawajlandurush we chongqurlashturush toghrisidiki birleshme xitabnamini birlikte imzalap, iqtisad soda, yéza igiliki, énérgiye, ul eslihe qurulushi qatarliq sahelerdiki köp türlük hemkarliq höjjetlirini imzalashqa shahid boldi

ikki dölet rehberliri muxbirlar bilen birlikte körüshti. Shi jinping mundaq dédi: zongtung raxman bilen emdila söhbetliship ortaq tonush hasil qilduq. Kéyinki basquchta ikki terep hemkarliqni dawamliq kücheytish lazim. Bixeterlik hemkarliqini chongqurlashturush kérek. Junggo bilen tajikistan bir birige tayanch bolup, murekkep keskin weziyette ikki döletning hemkarliqini üzlüksiz chongqurlashturush, rayondiki üch xil küchke zerbe bérish, chégra bashqurush we tizginleshni kücheytish;Ikki döletning chong türlerdiki hemkarliqining ongushluq yolgha qoyulushigha heqiqiy kapaletlik qilishqa birdek qoshulduq.

junggo tajikistangha bixeterlik jehettin yardem bérishni dawamliq kücheytidu. Emeliy hemkarliq saheside shi jinping munularni bildürdi: ikki terep hemkarliship bir türküm chong türlerni yolgha qoyidu; Kelgüsi besh yilda ikki tereplik soda sommisi üch milyard amérika dolliridin ashidu. Ikki terep junggo ottura asiya tebiiy gaz turubisi D liniyisining tajikistan bölikining qurulushi we tijaret xizmitini yaxshi ishleydu.

raxman muxbirlargha mundaq dédi: reis shi jinpingning bu qétimqi ziyariti ikki dölet munasiwitige yéngi heriketlendürgüchi küch qoshti. Junggoning tereqqiyati rayongha tereqqiyat pursiti élip kélidu. Tajikistan junggo bilen qol tutushup algha ilgirilesh, ewladmu ewlad dost ötüshni xalaydu. Shu küni chüshtin burun shi jinping repiqisi ping liyüen bilen tajikistanning milliy yarishish we güllinish xatire munarigha gül chembirek qoydi.

 

Aldinqisi
Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene