Bash bet>>Xewer Merkizi>>Muhim Xewerler
Shi jinping tajikistandiki dölet ishliri ziyaritini ayaqlashturup, maldiwidiki ziyaritini bashlidi
Tehrir:Esqer tursun     Menbesi:Junggo uyghurche radiyo tori     Yollan'ghan waqit: 2014-09-15

 

junggo uyghurche radiyo tori 15-sintebir béyjing xewiri:

dölet reisi shi jinping shu jay waqti 14-sintebir tajikistandiki dölet ishliri ziyaritini ayaqlashturup, mexsus ayropilan bilen düshenbidin ayrildi. Tajikistan zungtungi raxman mexsus ayrodoromgha bérip shi jinpingni uzutup qoydi.

shi jinping we repiqisi péng liyüen ayrodoromgha barghanda, raxman repiqisi bilen ayrodoromda saqlawatatti. Ikki dölet bashliqliri we repiqiliri semimiy qol éliship körüshti hemde méhman kütüsh öyide söhbetleshti. Shi jinping mundaq dédi: zungtung raxman hemde tajikistan hökümiti we xelqining bu qétimqi ziyaritimni köngül qoyup orunlashturghanliqi we qizghin kütiwalghanliqigha rehmet, sizning alayiten ayrodoromgha kélip bizni uzutup qoyghiningizgha rehmet, bu tajikistan xelqining junggo xelqige bolghan chongqur dostluqini toluq namayen qildi. Biz ziyaret arqiliq burun ornitilghan yaxshi xizmet munasiwitimizni chongqurlashturduq, herqaysi sahelerdiki emeliy hemkarliqni birlikte pilanliduq we uninggha türtke bolduq, ikki dölet xelqining dostluqini ilgiri sürduq, junggo bilen tajikistanning stratégiyelik shériklik munasiwitining tereqqiyatigha yéngi hayati küch qoshtuq. Men junggoning alaqidar tarmaqliridin biz hasil qilghan ortaq tonush we netijilerni tetqiq qilip emeliyleshtürüshni derhal telep qilimen.

raxman mundaq dédi: reis shi jinpingning ziyariti tajikistan bilen junggoning munasiwitini zor derijide algha siljitti, shunga muhim tarixiy ehmiyetke ige. Bu qétimqi ziyaretning muhim netijilirining biri shuki men reis shi jinping bilen téximu yéqin qérindashqa aylandim.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene