Bash bet>>Xewer Merkizi>>Muhim Xewerler
Shi jinping hindistangha yétip bérip, zungli modi bilen seyle diplomatiyesi élip bardi
Tehrir:Patigül muhemmet     Menbesi:Junggo uyghurche radiyo tori     Yollan'ghan waqit: 2014-09-18

junggo uyghurche radiyo tori 18-sintebir béyjing xewiri:

    Dölet reisi shi jinping shu jayning waqti tünügün hindistanning gujarat ishtatigha bérip ziyarette boldi, hindistan zunglisi modi bashtin axiri hemrah boldi.
shi jinping we uning repiqisi péng liyüen méhmanxanigha chüshkende modining qizghin qarshi élishigha érishti, modi munularni bildürdi: reis shi jinping hindistandiki ziyaritide desleptila yurtum gujaratqa keldi, bu jaydiki xelq buningdin intayin sherep his qildi, hindistan bilen junggoning tereqqiyat musapisi oxshiship kétidu, shunga hemkarliqni kücheytise pütünley bolidu, hindistan bilen junggoning éngilische dölet namining bash herpini qatsaq dyuyim dégen söz yasilidu, ikki dölet dyuymdin milghiche bolush rohi bilen ikki dölet munasiwiti tereqqiyatini ilgiri sürüshi kérek, shi jinping munularni bildürdi: hindistanning gujaratqa kelginimdin nahayiti xoshalmen, bu yer tang dewridiki rahip shuenjuang* gheripke nom élip kélerde ötken jay, ikki döletning uzaq dostloq alaqisi tarixtin buyan alahide orungha ige, junggo bilen hindistan özara muhim qoshna döletler, medenyetlik qedimi döletler, shundaqla tereqqiy qiliwatqan döletler, ikki dölet özara hörmet qilip, özara öginip we eynek qilip, qoshna dost bolup, qol tutushup algha ilgirlishi kérek, junggoda bir qedemdin mangsangmu, ming chaqirim mangalaysen deydighan gep bar, biz puxta, emeliy ilgirlep, junggo hindistan munasiwitini sijil rawajlandurushimiz lazim. 
    Shi jinping we modining ortaq shahid bolushi arqisida ikki terep tok yetküzüsh tiransiformator eslihesi kespi baghche rayoni qurush, junggoning guangdong ölkisi bilen gujarat ishtati, guangju shehiri bilen exmedabad shehiri dost ölke ishtat, dost sheher bolush kélishimini imzalidi, shu küni chüshtin kéyin shi jinping modi sowgha qilghan hindistanning eneniwiy kiyimini kiyip, gendining burunqi turalghusigha kélip, modining hemrahliqida birlikte ékiskursiye qildi, modi shi jinpinggha gendi turmush kechürgen we köresh qilghan jeryanlarni tonushturdi, shi jinping gendining mis heyklige hörmet bilen gül bergi chachti, gendi ilgiri turghan öyge kelgende modi gendining addiy saddi turmush usulini tonushturdi hemde shi jinpinggha gendi we tinchliq, ishchanliq rohigha simowil qilinghan qolda toqulghan paxta yipni sowgha qildi, shi jinping ilgiri gendi ishletken yip igirish chaqini chörgilitp baqti, modi shi jinpinggha gendi toghrisidiki kitap we eyni yilliri jenubiy afriqidiki junggoluqlar gendini qollighanliqi heqqidiki gézitni sowgha qildi, shi jinping mundaq dep körsetti: junggo bilen hidnsitan xelqi mustemlikichilikke qarshi turush, milliy musteqilliqni qolgha keltürüsh jeryanida özara hisdashliq qilishp, özara qollap, chongqur dostluq ornatti, biz uninggha warisliq qilip, nurlandurushimiz kérek. 
    Gendining kona turalghusidin ayrilghandin kéyin shi jinping bilen modi birlikte sheher merkizige kélip, derya qirghiqi baghchsi tereqqiyat türini ékiskursiye qildi, modi özi shi jinpinggha chüshendürüp mangdi, gujarat ishtatidiki amma oxshash bolmighan rayonlarning öxshash bolmighan uslubida eneniwiy naxsha usul nomurlirini körsetti, shi jinping bilen modi pat pat toxtap olturup, qizghin paranglashti, modi munularni bildürdi: derya qirghiqi tereqqiyat türi hindistandiki eng chong kepilik mehellilerni özgertish qurulushi, yéqinqi yillardin buyan, gujarat ishtati iqtisadni ashurush, xelq turmushini yaxshilash, muhit asrashni birleshtürüp, körünerlik ünümni qolgha keltürdi, hindistan hökümiti bu xil qélipni omumlashturiwatidu, shi jinping munularni bildürdi: junggo bilen hidnsitan öz döliti ehwaligha uyghun kélidighan tereqqiyat yoli üstide izdiniwatidu, biz özara eynek qilsaq bolidu. 
    Zawal waqti bolghanda modi shi jinpingni chédirgha teklip qilip dawamliq paranglashti, döletni idare qilish qarishi heqqide pikir almashturdi, shu küni modining 64 yashqa kirgen tughulghan küni idi, shi jinping uning tughulghan künini tebriklidi, modi munularni bildürdi: men tughulghan künümni reis shi jinping bilen nahayiti ehmiyetlik, untulghusiz ötküzdüm, kéler yili reis shi jinping bilen yéngi déhlida dawamliq söhbet ötküzüshni kütmektimen.





Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene