Bash bet>>Xewer Merkizi>>Muhim Xewerler
Shi jinping pütün armiye ishtab bashliqliri yighinining wekilliri bilen körüshti
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-09-23

 

junggo uyghurche radiyo tori 23-séntebir béyjing xewiri:

junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi shi jinping 22-séntebir béyjingda pütün armiye ishtab bashliqliri yighinining wekilliri bilen körüshti. U munularni tekitlidi: dölet bixeterlikining yéngi weziyiti we herbiy küresh teyyarliqining yéngi telipi aldida, partiyening buyruqigha boysunidighan, urush qilishqa mahir yéngiche qomandanliq orginini tériship qurup, herbiy xizmetning yéngiliq yaritishchan tereqqiyatini ilgiri sürüp, qisimgha qomandanliq qilip uchurlashqan dairilik urushta ghelibe qilish iqtidarini özlüksiz kücheytish kérek. Shi jinping mundaq dep körsetti: qomandanliq tarmaqliri armiyening qomandanliq yadrosi bolush süpiti bilen, herbiy qurulush we herbiy küresh teyyarliqini ilgiri sürüshte muhim mesuliyetni üstige alghan. Yéqinqi yillardin buyan, pütün armiyediki her derijilik qomandanliq tarmaqliri partiye merkiziy komitéti, merkiziy herbiy ishlar komitétining hel qilghuch yolyoruqlirini estayidil izchillashturup, herbiy qurulush we herbiy heriketni estayidil, inchike teshkillep, türlük muhim wezipilerni ünümlük orunlidi shundaqla öz qurulushinimu körünerlik ilgiri sürdi. Shi jinping munularni tekitlidi: buyruq éngini kücheytip, ghaye, étiqadta ching turup, partiyege mutleq sadiq bolup, qomandanliqqa qetiy boysunup, siyasiy, herbiy buyruqlarning rawanliqi, partiye merkiziy komitéti, merkiziy herbiy ishlar komitétining hel qilghuch yolyoruqini ünümlük, izchil emeliyleshtürüshke heqiqiy kapaletlik qilish lazim. Urush qilishqa téximu mahir bolup, jenggiwarliq ölchimini turghuzup, küresh rohini yétishtürüp, meshiqni emeliy urushlashturush sewiyesini özlüksiz östürüp, jenggiwarliq qurulushidiki gewdilik mesililerni küchep hel qilip, pütün zéhni bilen urush heqqide izdinip, pütün zéhni bilen teyyarliqni ching tutush kérek. Xelqara istratégiye endizisi bilen ichki bixeterlik weziyitini estayidil tehlil qilip, dunya yéngi herbiy inqilab weziyitini estayidil muhakime qilip, öginishchan ishtab bolushqa térishish lazim. Istil qurulushini kücheytip, partiyening ammiwi lushyen terbiyesini emeliyettin ötküzüsh paaliyitining netijilirini puxtilap, türlük tertipke sélish xizmetlirini yaxshi ishlep, herbiy intizamni téximu chingitip, terbiyelesh, bashqurushni kücheytip, qisimning omumyüzlük qurulushining téximu yuqiri sewiyege qarap tereqqiy qilishigha türtke bolush kérek. Islahatta yéngiliq yaritishni kücheytip, idiyeni angliq azad qilip, köz qarashta burulush yasap, islahat omumluqigha boysunup we mulazimet qilip, islahatni angliq himaye qilip we qollap, islahatqa atlinip, dölet mudapiesi hem armiye islahatini chongqurlashturushta özi qol sélip ishlep, layaqetlik jawab bérish lazim.

shi jinping qatarliqlar körüshüshtin burun pütün armiye öginish, tetqiqat kursining bahalash xizmiti we neq meydan manéwirining sinalghusini kördi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene