Bash bet>>Xewer Merkizi>>Muhim Xewerler
Kungzi dunyagha kelgenlikining 2565 yilliqini xatirilesh xelqara ilmiy muhakime yighini échildi
Tehrir:Iminjan ismail     Menbesi:Junggo uyghurche radiyo tori     Yollan'ghan waqit: 2014-09-25

junggo uyghurche radiyo tori 25-séntebir béyjing Xewiri:

dölet reisi shi jinping tünügün xelq sariyida kungzi dunyagha kelgenlikining 2565 yilliqini xatirilesh xelqara ilmiy muhakime yighini we xelqara kungzi telimati birleshmisi 5-nöwetlik ezalar yighinining échilish murasimigha qatnashti hemde muhim söz qildi.

shi jinping munularni tekitlidi: tarixni untmighandila andin kelgüsini yaratqili bolidu, warisliq qilishqa mahir bolghandila andin yéngiliq yaritishqa mahir bolghili bolidu. Tarixtin kelgüsige yüzlinishte ching turup, milliy medeniyet qan tomurida yol échip algha ilgiriligendila, andin bügünki ishlirimizni yaxshi qilalaymiz. Insanlarning türlük medeniyet almashturushi, singishishi, öz-ara öginishi we eynek qilishi- dunyani téximu güzel qilidu, bu her qaysi dölet xelqining turmushini téximu yaxshi qilishtiki zörür yol.

shi jinping mundaq dep körsetti: kungzi berpa qilghan kungzi telimati hemde mushu asasta tereqqiy qilghan kungzi idiyesi jungxua medeniyitige chongqur tesir körsetti, bu junggoning eneniwi medeniyitining muhim terkibi qismi. Kungzi idiyesi jungxua milletlirining shekillinishi we tereqqiy qilishi dawamida barliqqa kelgen bashqa idiye, medeniyet bilen birge, jungxua milletlirining qedimdin buyanqi yurt makanini güllendürüsh kürishide qanat yaydurghan rohi paaliyetler, élip barghan idrakiy tepekkuri, yaratqan medeniyet muweppeqiyetlirini xatirilidi, jungxua milletlirining meniwi izdinishini eks ettürdi, bu jungxua milletlirining tinim tapmay izdinishi, tereqqiy qilip zoriyishidiki muhim ozuq.

shi jinping mundaq dédi: hazir insanlar nurghun gewdilik mesililerge duch kelmekte. Bu mesililerni hel qilishta insanlar hazir bayqighan we tereqqiy qilghan eqli we küchidin paydilinishqa, shundaqla insanlarning tarixta toplighan we saqlighan eqli we küchidin paydilinishqa toghra kélidu. Junggoning ésil enenisi, medeniyitining mol pelsepiwi idiyesi , medeniyet rohi, terbiye bérip tesirlendürüsh idiyesi, exlaq qarishi qatarliqlar kishilerning tonushi we dunya özgertishige, döletni idare qilishi, hakimiyet yürgüzüshige, shundaqla exlaq qurulushigha paydiliq ilham béridu.

shi jinping mundaq dep körsetti: oxshash bolmighan dölet we milletning medeniyitige, eneniwi medeniyet we réal medeniyetke toghra muamile qilish- yaxshi igileshke tégishlik chong téma. Shi jinping munularni otturgha qoydi: 1-, dunya medeniyitining köp xilliqini qoghdash; 2-, herqaysi döletler we milletlerning medeniyitige hörmet qilish; 3-, medeniy öginish, eynek qilishni toghra élip bérish; 4-, eneniwiy medeniyetke ilmiy muamile qilish kérek.

shi jinping échilish murasimidin burun, échilish murasimigha qatnashqan qismen chetellik méhmanlar we xelqara kungzi telimati birleshmisining mesulliri bilen körüshti.

xelqara kungzi telimati birleshmisi 1994-yili 10-ayda béyjingda qurulghan, dunyadiki besh qitediki 50 nechche dölet we rayongha tarqalghan.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene