Bash bet>>Xewer Merkizi>>Muhim Xewerler
Shi jinping yer sharida kungzi instituti qurulghanliqining 10 yilliqi we kungzi instituti künini tebriklidi
Tehrir:Adil ablet     Menbesi:Junggo uyghurche radiyo tori     Yollan'ghan waqit: 2014-09-27

junggo uyghurche radiyo tori 27-sintebir béyjing xewiri:

dunyada kungzi instituti qurulghanliqining 10 yilliqi hem tunji yer shari "kungzi instituti küni"ni yétip kelgen peytte, dölet reisi shi jinping tebrik xéti yézip, dunyadiki kungzi institutidiki barliq oqutquchi-oqughuchilarni qizghin tebriklidi hem ulardin semimiy hal soridi. Gowuyüen zunglisi li kéchangmu xet ewetip tebriklidi. Gowuyüenning muawin zunglisi lyu yendung 27-séntebir "kungzi instituti küni" paaliyitini bashlash murasimida shi jinping, li kéchangning tebrik xétini oqup ötti we söz qildi.

shi jinping tebrik xétide mundaq dédi: yer shari kungzi instituti qurulghanliqining 10 yilliqi xatiriliniwatqan peytte kungzi institutining 90 dölet we rayondiki 286 neper mektep we institut mudiridin kelgen xetlerni tapshuruwaldim. Siler xétinglarda kungzi institutining junggoning dunyaning tinchliqi we xelqara hemkarliq üchün boshashmay tirishchanliq körsetkenlikining simwoli ikenlikini, junggo xelqi bilen dunya xelqini baghlaydighan rishte ikenlikini we kungzi institutining parlaq kélechikidin ishenchke tolghanliqinglarni tilgha élipsiler, men buningdin zoqlandim.
shi jinping mundaq dédi: 10 yildin buyan, kungzi instituti dunyadiki her qaysi eller bilen bolghan medeniyet almashturush, junggo xelqi bilen her qaysi el xelqi otturisida öz ara chüshinish we dostluqni ilgiri sürüshte muhim rol oynap keldi. Siler intayin ehmiyetlik ish qiliwatisiler.
shi jinping mundaq dep körsetti: kungzi instituti junggogha shundaqla dunyagha mensup. Junggo hökümiti we xelqi kungzi institutining tereqqiyatini awwalqidekla qollaydu.

li kéchyang tebrik xétide kungzi institutining junggo bilen chetellerning hemkarliship mektep bashqurush qélipide ching turup, mektep bashqurush süpiti we sewiyisini özlüksiz östürüp, junggo bilen chetel medeniyitining qoshulushini chongqurlashturushni ümid qildi.

yer sharidiki 123 dölet we rayonda 465 kungzi instituti we 713 ottura bashlanghuch mektepte kungzi dersxanisi tesis qilindi.

béyjing uniwérsitétining aspiranti tajikistanliq qiz mina mundaq dédi: kungzi institutining xenzu tili öginidighan yashlargha sehne hazirlap bérishi, ulargha xenzu tili ögitish arqiliq kishilik turmush yoli körsitip bérishini ümid qilimen.

igilinishiche,kungzi institutining yétekchiliki we tesiri arqisida, yer sharida xenzu tili ögengüchiler 2004-yilidiki 30 milyondin hazir yüz milyongha yetken. Amérikida xenzu tili ögengüchiler on yil ilgirikidin 15 hesse, gérmaniyide 10 hesse ashqan. Hazir amérika, engliye, fransiye, yaponiye , koriye qatarliq 48 dölet xenzu tili oqutushini xelq maaripi sistémisigha kirgüzgen.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene