Bash bet>>Xewer Merkizi>>Muhim Xewerler
Jemiyetning her sahesi merkez milletler xizmiti yighinining rohini qizghin muzakire qildi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-10-04

 

junggo uyghurche radiyo tori 4-öktebir béyjing xewiri:

merkez milletler xizmiti yighini hem gowuyüenning 6-qétimliq memliketlik milletler ittipaqliqini yükseldürüsh boyiche teqdirlesh yighini 28-, 29-séntebir échildi, yighinda, élimizning milletler xizmitide duch kelgen ichki, tashqi weziyet omumyüzlük tehlil qilinip, nöwettiki we bundin kéyinki bir mezgildiki élimiz milletler xizmitidiki muhim siyaset, fangjénliri sherhlinip, jemiyetning her saheside küchlük inkas qozghidi. Her millet kadirliri we ammisi yighinning rohini estayidil öginip we izchillashturup, birdek ittipaqliship, jungxua milletlirining ulugh güllinishidiki junggo arzusini ishqa ashurush üchün birlikte köresh qilidighanliqini bes-beste bildürdi.

shizang aptonom rayoni langshyen nahiyesi josün kenti partiye yachéykisining shujisi baju muxbirgha mundaq dédi: merkez milletler xizmiti yighini mezgilide, kentimizdiki 48 aililik puqra buninggha nahayiti köngül böldi, nurghun aililer téléwizorni chöridep olturup, muzakire qildi. Köpchilik merkez milliy rayonlarning ul eslihe, kesip tereqqiyati, medeniyetni qoghdash qatarliq xizmetlirini dawamliq küchlük qollaydighanliqini bildürgendin kéyin, nöwettiki tereqqiyat tepekkurini yenimu kéngeytip, téximu istiqbali bar bir qisim kesipler shughullinish niyitige keldi.

güyju ölkisi déjyang nahiyelik partkom teshkilat bölümi ishxanisining tujyazu kadiri féng shéngyen mundaq dédi: namrat rayonlargha perqliq rayon siyasitini yolgha qoyush-pütün memliket bilen teng qedemde halliq jemiyet qurush, ulugh junggo arzusini ishqa ashurushtiki zörür tedbir. Güyju bu bir nechche yilda téz tereqqiy qildi, bizning déjyangmu tereqqiyatni ilgiri sürüp, éship kétishke pütün bilen térishmaqta.

memliketlik xelq qurultiyi wekili, guangshi juangzu aptonom rayoni xüenjyang mawnen aptonom nahiyesi mawnenche milliy yémeklik zawutining mesuli ten méngshi mundaq dédi: méning yurtum-guangshining xüenjyang mawnen aptonom nahiyesi. Bir nechche yildin buyan, xüenjyangda zor özgirish bolup, yurtdashlarning hemyini pulgha toldi. Mawnen yurtdashlarning künliri barghanséri yaxshilandi, bu elwette partiyening milliy siyasitining yaxshiliqidin boldi.

yünnen ölkilik ijtimaiy penler akadémiyesi milletler edebiyati tetqiqatxanisining bashliqi go jyaji mundaq dédi: bu qétimqi yighinida, idiye birlikke keltürülüp, bir qisim müjmel qarashlar aydinglashturulup, bir yürüsh nezeriyewi köz qarash we siyaset, tedbirler otturigha qoyuldi, bular bundin kéyinki bir mezgildiki milletler xizmitini yaxshi ishleshte muhim rol oynaydu. Yighinda, milliy rayonlarning iqtisad, jemiyet tereqqiyatini tézlitishni qollash-merkezning tüp fangjéni dep körsitildi, bu-yünnendiki milliy rayonlarning tereqqiyatida muhim ehmiyetke ige. Yünnendiki milliy rayonlarning tereqqiyati tebiiy, tarix, jemiyet qatarliq nurghun sewebler tüpeylidin uzun muddet arqida qalghan, öz küchigila tayanghanda, pütün memliket bilen teng qedemde omumyüzlük halliq jemiyet qurush teske toxtaydu, bu jehette merkez we tereqqiy tapqan rayonlarning qollishi we yardimi nahayiti zörür.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene