Bash bet>>Xewer Merkizi>>Muhim Xewerler
Shi jinping ammiwi lushyen terbiye paaliyitini xulasilesh yighinida muhim söz qildi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-10-09

junggo uyghurche radiyo tori 9-öktebir béyjing xewiri:

partiyening ammiwi lushyen terbiyesini emeliyettin ötküzüsh paaliyitini xulasilesh yighini 8-öktebir béyjingda échildi, junggo kompartiyesi merkiziy komitétining bash sékrétari, dölet reisi, merkiziy herbiy ishlar komitétining reisi shi jinping yighingha qatnashti hem muhim söz qildi. U munularni tekitlidi: terbiyeni emeliyettin ötküzüsh paaliyiti-partiyening amma arisidiki abruyi we obrazini yenimu turghuzup, partiye bilen xelqning rayini yenimu mujessemlep, islahat, tereqqiyatqa türtke bolidighan küchlük ijabiy küchni shekillendürdi. Emeliyet-partiye 18-qurultiyida chiqirilghan pütün partiyede partiyening ammiwi lushyen terbiyesini emeliyettin ötküzüsh paaliyitini chongqur qanat yaydurushning toghriliqi, partiye merkiziy komitétining bu qétimqi paaliyetni yürüshlük orunlashturushining pütünley toghriliqini ispatlidi. Bu qétimqi paaliyet-bizning nurghun yéngi tarixiy alahidilikke ige ulugh kürishimizni qanat yaydurushimizgha idiye, teshkillesh, istil jehettin muhim teyyarliq boldi, uning muhim ehmiyiti waqitning ötüshige egiship özlüksiz namayan bolghusi.

shi jinping sözide mundaq dep körsetti: pütün partiyede xelq üchün emeliy, pak ish béjirishni asasliq mezmun qilghan partiyening ammiwi lushyen terbiyesini emeliyettin ötküzüsh paaliyitini qanat yaydurush-partiye 18-qurultiyida chiqirilghan bir istratégiyelik hel qilghuch tedbir. Partiye merkiziy komitéti bu qétimqi paaliyetke yüksek ehmiyet bérip, chongqur tekshürüp tetqiq qildi we etrapliq teyyarliq qildi. 2013-yili 6-aydin bashlap, paaliyet yuqiridin töwengiche ikki türkümde qanat yaydurulup, hazir asasen ayaghlashti. Her derijilik partiye teshkilatliri we partiye ezaliri, kadirlar partiye merkiziy komitétining chaqiriqigha paal awaz qoshup, yüksek ehmiyet bérip, aktip qatnashti, xelq ammisi qizghin awaz qoshup, qizghin qollidi, buning bilen bilen pütkül paaliyet tertiplik, puxta, chongqur qanat yaydurulup, közlengen nishangha yétip, muhim netije qolgha keltürüldi. Partiye ezaliri, kadirlar marksizmliq amma qarishi jehette chongqur terbiyege ige bolup, partiyening ammiwi lushyenini izchillashturushtiki angliqliqi we qetiyliki körünerlik kücheydi; Shekilwazliq, biyurokratliq, rahetpereslik, heshemetchilik shamili küchlük tüzeldi, ammining inkasi küchlük gewdilik mesililer ünümlük hel qilindi; Tenqid we öz-özini tenqid qilishtin ibaret ésil enene eslige keltürülüp we jari qildurulup, yéngi weziyette, partiyening ichki siyasiy turmushini ching tutushning ünümlük yoli üstide izdinildi; Istil özgertish, istilni yaxshilashni muhim nuqta qilghan tüzüm sistémisi téximu mukemmelliship, tüzümning ijra küchi we cheklime küchi kücheytildi; Ammining janijan menpeetige tesir yetküzidighan mesililer hel qilinip, partiyening hakimiyet yürgüzüsh asasiy téximu puxtilandi.

shi jinping yéngi weziyette partiyeni qattiq idare qilish heqqide mundaq sekkiz telepni otturigha qoydi: 1-partiyeni qattiq idare qilish mesuliyitini emeliyleshtürüsh; 2-idiyelik partiye qurush bilen tüzüm arqiliq partiyeni idare qilishni zich birleshtürüshte ching turush, tüzüm aldida hemme adem barawer bolushta ching turush; 3-partiyening ichki siyasiy turmushini ching tutush; 4-kadirlarni qattiq bashqurushta ching turush; 5-istilni dawamliq, chongqur yaxshilash; 6-partiye intizamini chingitish; 7-xelqning nazaret rolini jari qildurush; 8-partiyeni qattiq idare qilishning qanuniyitini chongqur igilep, asasiy qatlam, emeliyetke chongqur chöküp, partiyening ilgharliqi we sapliqini saqlash hem rawajlandurush.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene