Bash bet>>Xewer Merkizi>>Muhim Xewerler
Junggo kompartiyesi 18-nöwetlik merkiziy komitéti 4-omumiy yighinining axbarati
Tehrir:Küntékin imam     Menbesi:Junggo uyghurche radiyo tori     Yollan'ghan waqit: 2014-10-24

 

junggo uyghurche radiyo tori 24-öktebir béyjing Xewiri:

junggo kompartiyesi 18-nöwetlik merkiziy komitétining 4-omumiy yighini 2014-yili 20-öktebirdin 23-öktebirgiche béyjingda ötküzüldi. Hazir toluq tékistini anglitimiz: junggo kompartiyesi 18-nöwetlik merkiziy ykomitéti 4-omumiy yighinining axbarati:

2014-yili 23-öktebir junggo kompartiyesi 18-nöwetlik merkiziy komitéti 4-omumiy yighinida maqullandi.

junggo kompartiyesi 18-nöwetlik merkiziy komitétining 4-omumiy yighini 20-öktebirdin 23-öktebirgiche béyjingda échildi. Yighingha merkiziy komitét ezasidin 199 kishi, merkiziy komitétning kandidat ezasidin 164 kishi qatnashti. Merkiziy intizam tekshürüsh komitéti daimiy komitétining ezaliri we alaqidar tereplerning mesulliri yighingha sirttin qatnashti. Partiye 18-qurultiyi wekilliri ichidiki qismen asasi qatlam wekilliri we mutexesss alimlarmu yighingha sirttin qatnashti.

omumiy yighingha merkiziy komitét siyasiy biyurusi riyasetchilik qildi. Merkiziy komitétning bash shujisi shi jinping muhim söz qildi.

omumiy yighinda bash shuji shi jinpingning merkiziy komitét siyasiy biyurosigha wakaliten bergen xizmet doklati anglap ötüldi we muzakire qilindi. "junggo kompartiyesi merkiziy komitétining döletni qanun boyiche idare qilishni omumyüzlük ilgiri sürüshke ait bir qanche zor mesililer toghrisidiki qarari" qarap chiqip maqullandi. Shi jinping qararni omumiy yighinda toluq chüshendürdi.

omumiy yighinda partiye 18-nöwetlik merkiziy komitéti 3-omumiy yighindin buyanqi merkiziy komitét siyasiy biyurusining xizmetliri toluq mueyyenleshtürüldi. Birdek mundaq dep hésablandi: 18-nöwetlik merkiziy komitéti 3-omumiy yighindin buyan, xelqara weziyet chégish murekkep, memliket ichining islahat tereqqiyat wezipisimu mushkul boldi. Merkiziy komitét siyasiy biyurusi partiye 18-qurultiyi we 18-nöwetlik merkiziy komitétining 1-,2-,3-omumiy yighini rohini omumyüzlük izchillashturup, junggoche sotsiyalizim olugh bayriqini égiz kötürüp, déng shawping nezeriyesi, "üchke wekillik qilish" muhim idiyesi, ilmiy tereqqiyat qarishini yitekchi qilip, bash shuji shi jinpingning yürüshlük muhim sözining rohini chongqur izchillashturup, pütün partiye pütün armiye we pütün memlikettiki her millet xelqini ittipaqlashturup, yiteklep, memliket ichi we xelqaradin ibaret ikki chong weziyetni bir tutash pilanlap, muqimliq ichide algha ilgirlesh asasi köz qarishini mehkem igilep, istratigiyelik turaqliqni saqlap, islahatni chongqurlashturush arqiliq türlük xizmetlerge türtke bolup, idiye, tüzüm jehettin islahat, tereqqiyat, muqimliq, ichki ishlar, diplomatiye, dölet mudapie, partiyeni, döletni, armiyeni idare qilishning istratigiyeliki, omumiyliqi, uzaq muddetlikige chétilidighan mesililerge ehmiyet berdi. Merkiziy komitét siyasiy biyurusi iqtisadi tereqqiyat yéngi weziyitige masliship, omumiy jehettin tengshep kontrol qilish pikir yoli we usulida yéngiliq yaritip, iqtisadi ijtimaiy tereqqiyattiki qéyin mesililerde paal bösüsh hasil qilip, xelq turmushigha küchep kapaletlik qilip we yaxshilap, partiyening ammiwi lushiyen terbiyesini emeliyettin ötküzüsh paaliyitini asasi jehettin tamamlap, chériklikke qetiy tewrenmestin qarshi turup, türlük xéyim-xeter xirslargha ünümlük taqabil turup, türlük xizmetlerde yéngi ünümni qolgha keltürüp, partiye we dölet ishlirining tereqqiyatida yéngi weziyet achti.

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene