Bash bet>>Xewer Merkizi>>Muhim Xewerler
Dölet reisi shi jinping tanzaniye zungtungi kikwit bilen söhbetleshti
Tehrir:Küntékin imam     Menbesi:Junggo uyghurche radiyo tori     Yollan'ghan waqit: 2014-10-25

junggo uyghurche radiyo tori 25-öktebir xewiri:

dölet reisi shi jinping tünügün chüshtin kéyin tanzaniye zungtungi kikwit bilen söhbetleshti. Ikki dölet rehbeliri junggo bilen tanzaniyening eneniwi dostluqigha yuqiri baha berdi, ilgirikilerge warsiliq qilip, kelgüsige yol échip, junggo bilen tanzaniyening öz ara nep yetküzüp birlikte ghelbe qilidighan omumyüzlük hemkerliq shériklik munasiwitini tereqqiy qildurushqa birdek qoshuldi.

shi jinping mundaq dédi: junggo tanzaniye bilen birlikte ilgirikilerge warsiliq qilip, kelgüsige yol échip, junggo bilen tanzaniye munasiwitining yéngi sehipisini échip, junggo bilen afriqining dostluqi we öz ara nep yetküzidighan hemkarliqini chongqurlashturushta bashlamchiliq hemde ülgilik rol oynashni xalaydu.

birinchidin, junggo bilen tanzaniye japada we halawette bille bolidighan dostluq ülgisini yaritishi kérek, biz yuqiri qatlamdikiler alaqisini saqlap, ikki döletning hökümet tarmaqliri, qanun chiqirish organliri, partiyeliri, yerlik orunliri we xelq otturisidiki alaqini chongqurlashturup, yadroluq menpeet we köngül bölidighan zor mesililer toghrisida bir birimizni dawamliq chüshinishimiz we qollishimiz kérek.

ikkinchidin, junggo bilen tanzaniye öz ara nep yetküzüp, birlikte ghel qilish, teng tereqqiy qilish jehette hemkarlishishning ülgisini yaritishi kérek. Junggo tanzaniyening rayon obrot merkizi, yasimichiliq bazisi berpa qilishini, iqtisadiy alahide rayon we sanaet rayoni qurushini qollaydu, tanzaniye bilen ul eslihe qurulushi, awiyatsiye, pul muamile qatarliq sahelerdiki hemkarliqni kücheytishni xalaydu. Tanzaniye tömür yoli junggo bilen afriqa dostluqining tarixiy abidisi, biz uninggha yéngi hayati küch ata qilishimiz kérek.

üchinchidin, junggo bilen tanzaniye omumyüzlük terqqiy qilip, birlikte tereqqiy qilishning ülgisini yaritishi kérek. Junggo tanzaniyening ijtimaiy iqtisadiy tereqqiyatigha paal yardem bérishni xalaydu, tanzaniyege dawamliq dawalash etriti we yéza igilik téxnikisi mutexessisi ewetip, tanzaniyege ixtisasliqlarni yétishtürüp béridu.

tötinchidin, junggo bilen tanzaniye dunya tinchliqini ilgiri sürüp, ortaq menpeetni qoghdashning xelqara hemkarliq ülgisini yaritishi kérek. Junggo tanzaniye bilen birleshken döletler teshkilati ishliri, kélimat özgirishi qatarliq zor xelqara mesililer we rayon mesililiri toghrisida alaqe we maslishishni kücheytishni, xelqara tertipni téximu adil we muwapiq yölinishke tereqqiy qildurushni xalaydu. Junggo tanzaniyening rayon tinchliqi we muqimliqini qoghdash jehette körsetken tirishchanliqini qollaydu. Kéler yili junggo-afriqa hemkarliq munbiri 6-nöwetlik ministir derijilikler yighini échilidu. Biz tanzaniyeni öz ichige alghan afriqa döletliri bilen birlikte yighinni yaxshi échip, junggo bilen afriqining yéngiche istratégiyelik shériklik munasiwitini yéngi yükseklikke kötürüshni xalaymiz.

kikwit mundaq dédi: tanzaniye junggoning uzundin béri özini qollighanliqigha we yardem bergenlikige rehmet éytidu, junggo bilen bolghan dostluq munasiwetni qedirleydu, junggoni ilgirikige oxshashla qollaydu. Tanzaniye döletni sanaetleshtürüsh, zamaniwiylashturushqa küch chiqiriwatidu, biz junggo bilen alaqini kücheytip, junggoning muweppeqiyetlik tejribilirini ülge qilip we öginip, her qaysi sahelerdiki hemkarliqni kéngeytip, ijtimaiy iqtisadiy tereqqiyatni tézlitip, döletning yéngi qiyapitini yaritishni ümid qilimiz. Tanzaniye junggo bilen hemkarliqni kücheytip, junggo-afriqa hemkarliq munbirini yaxshi berpa qilip, türlük xirislargha birlikte taqabil turup, afriqining tinchliqi, muqimliqi we tereqqiyatini ilgiri sürüshni xalaydu.

söhbettin kéyin, ikki dölet rehberliri ikki dölet hökümetlirining iqtisadiy téxnika hemkarliq kélishimi qatarliq höjjetlerning imzalinishigha shahit boldi.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene