Bash bet>>Xewer Merkizi>>Muhim Xewerler
Shi jinping islahatni chongqurlashturush guruppisining 6-qétimliq yighinigha riyasetchilik qildi
Tehrir:Abdulla molla     Menbesi:Junggo uyghurche radiyo tori     Yollan'ghan waqit: 2014-10-28

junggo uyghurche radiyo tori 28-öktebir béyjing xewiri:

junggo kompartiyesi merkiziy komitétining bash shujisi, dölet reisi, merkiziy herbiy ishlar komitétining reisi, merkez islahatni omumyüzlük chongqurlashturushqa rehberlik qilish guruppisining bashliqi shi jinping tünügün chüshtin burun merkez islahatni omumyüzlük chongqurlashturushqa rehberlik qilish guruppisining 6-qétimliq yighinini riyasetchilik qilip achti hem muhim söz qildi. U munularni tekitlidi: partiye 18-nöwetlik merkiziy komitéti 4-omumiy yighinida döletni qanun boyiche idare qilishni omumyüzlük ilgiri sürüsh qarari maqullinip, partiye 18-nöwetlik merkiziy komitéti 3-omumiy yighinida maqullanghan islahatni omumyüzlük chongqurlashturush qarari bilen masliqni shekillendürdi. Islahatni omumyüzlük chongqurlashturush qanun bilen idare qilish kapalitige, döletni qanun boyiche idare qilishni omumyüzlük ilgiri sürüsh islahatni chongqurlashturushqa mohtaj. Partiye 18-nöwetlik merkiziy komitéti 4-omumiy yighinining rohini öginish we izchillashturush-nöwettiki hem bundin kéyinki bir mezgildiki pütün partiye, pütün memliketning muhim siyasiy wezipisi, jaylar, tarmaqlar buni ching tutup, qanun bilen idare qilish tepekkuri hem qanun bilen idare qilish usulini qollinish arqiliq, islahatni ilgiri sürüsh iqtidari we sewiyesini heqiqiy östürüshi kérek. Junggo kompartiyesi merkiziy komitéti siyasiy biyurosi daimiy komitétining ezasi, merkez islahatni omumyüzlük chongqurlashturushqa rehberlik qilish guruppisining muawin bashliqliridin li kéchyang, lyu yünshen yighingha qatnashti. Yighinda, "sotsiyalistik kéngishish démokratiyesi qurulushini kücheytish heqqidiki pikir", "junggo shangxey erkin soda sinaq rayoni xizmitining ilgirilesh ehwali hem islahat siniqining tejribilirini kéngeytish pikri", "junggoche yéngiche aqillar ambiri qurulushini kücheytish heqqidiki pikir" qarap chiqildi, "döletning muhim pen tetqiqat ul esliheliri hem chong pen tetqiqat eswablirini jemiyetke échiwétish heqqidiki pikir" qarap chiqip maqullandi, yighin muzakirisining ehwaligha asasen, buninggha yenimu tüzitish kirgüzüp mukemmelleshtürgendin kéyin tertip boyiche testiqlitip yolgha qoyush teklipi bérildi. Shi jinping sözide mundaq dep körsetti: sotsiyalistik kéngishish démokratiyesining élimizde asasi, bayliqi, hayati küchi bar, biz ish bolsa köprek kéngishish, mesilige yoluqqanda köprek kéngishish, ish qilghanda köprek kéngishishte ching turup, kéngishishni barghanséri chongqurlashturup, kéngishish arqiliq usul-chare tépip, ortaq tonushni otturigha qoyup, semimiy héssiyatni ipadilep, ittipaqliqni tekitlishimiz kérek. Sotsiyalistik kéngishish démokratiyesi qurulushini kücheytishning nishani-tertipi muwapiq, halqiliri mukemmel bolghan kéngishish démokratiyesi sistémisini ornitip, élimizning sotsiyalistik démokratik siyasiysigha yéngi hayatiy küch qoshushtin ibaret. Kéngishish démokratiyesi qurulushini kücheytishte, partiyening rehberliki, xelqning xojayinliqi, döletni qanun boyiche idare qilishning organik birlikide ching turup, junggoche sotsiyalistik siyasiy tereqqiyat yolida qetiy tewrenmey méngip, her qaysi tereplerdiki kéngishishni teshkillik, nuqtiliq, qatlam boyiche paal, muqim ilgiri sürüsh lazim. Shi jinping mundaq dep körsetti: ilmiy qanun chiqirish-islahat bilen qanun boyiche idare qilishning munasiwitini bir terep qilishtiki muhim halqa. Qanun chiqirish bilen islahat tedbiri belgileshni tutashturup, muhim islahatlarni asaslinidighan qanungha ige qilip, qanun chiqirishni islahat tereqqiyatining éhtiyajigha teshebbuskarliq bilen uyghunlashturush kérek. Islahat layihesi we islahat tedbirini tetqiq qilghanda, islahatqa chétilidighan qanun chiqirish mesilisini teng oyliship, qanun chiqirish éhtiyaji bilen qanun chiqirish teklipini waqtida otturigha qoyush lazim. Emeliyet arqiliq yürgüzüshke bolidighanliqi ispatlanghanlirini waqtida qanun derijisige kötürüsh; Emeliy sharaiti téxi piship yétilmigen, aldin sinaq qilishqa tégishliklirige qanunda belgilengen tertip boyiche hoquq bérish; Islahat telipige uyghun kelmeydighan qanun, belgilimilerge waqtida tüzitish kirgüzüsh we bikar qilish; Qanungha izahat bérish xizmitini kücheytip, qanun, belgilimilerning mezmuni we tedbiqlinidighan qanun asasini waqtida aydinglashturush kérek. Partiye 18-nöwetlik merkiziy komitéti 4-omumiy yighinida otturigha qoyulghan 180 nechche türlük döletni qanun boyiche idare qilishta muhim ehmiyetke ige bolghan islahat tedbirini islahat wezipisining omumiy tizimlikige kirgüzüp, bir tutash orunlashturup, bir tutash emeliyleshtürüp, bir tutash nazaret qilish lazim.

 

Kéyinkisi
Munasiwetlik xewerler
yéngi xewerler Yene
süretlik xewer Yene
süretlik tenterbiye xewerliri
pen-téxnika uchurliri Yene
ghelite ishlar Yene
kocha parangliri Yene
saghlamliq Yene